ភ្នំពេញ៖ ឯកឧត្តម កែវ រតនៈ រដ្ឋមន្ដ្រីក្រសួងរ៉ែ និងថាមពល មានប្រសាសន៍ថា រដ្ឋាភិបាលទើបអនុម័តគម្រោងវិនិយោគក្នុងវិស័យអគ្គិសនីចំនួន២៣ ក្នុងនោះមានគម្រោងប្រវត្តិសាស្ត្រលើកទី១ សម្រាប់កម្ពុជា គឺគម្រោងដើរដោយកម្លាំងខ្យល់ចំនួន៦ នៅមណ្ឌលគិរី។

ឯកឧត្តម កែវ រតនៈ បន្តមានប្រសាសន៍ដូច្នេះថា៖ «គម្រោងដែលទើបអនុម័តនេះ ជាការយកមូលដ្ឋានគ្រឹះក្នុងអាណត្តិចាស់ ដែលដឹកនាំដោយសម្ដេចតេជោ ហ៊ុន សែន មកពង្រឹង និងពង្រីកថាមពលស្អាតឱ្យកាន់តែធំ តាមរយៈការពង្រីកថាមពលដើរដោយពន្លឺព្រះអាទិត្យទៅប្រភេទថ្មីមួយទៀត គឺថាមពលដើរដោយកម្លាំងខ្យល់។ គម្រោងដើរដោយកម្លាំងខ្យល់ចំនួន ៦នេះ មានអានុភាពសរុបចំនួន ៩០០មេហ្គាវ៉ាត់»។

គម្រោងទាំង២៣ មានអានុភាពសរុបចំនួន ៣៩៥០មេហ្គាវ៉ាត់ ដែលថាមពលស្អាតមានរហូតដល់ ២១គម្រោង ពោលគឺមានដូចជាថាមពលពន្លឺព្រះអាទិត្យ ឈរលំដាប់លេខ១, ថាមពលវារីអគ្គិសនី ឈរលំដាប់លេខ២ និងថាមពលខ្យល់ ឈរលំដាប់លេខ៣។

សូមអញ្ជើញទស្សនាវីដេអូខ្លីអំពីប្រសាសន៍កាលពីថ្ងៃទី៤ ខែតុលា ឆ្នាំ២០២៤ របស់ឯកឧត្តម កែវ រតនៈ ពីគម្រោងថាមពលដើរដោយកម្លាំងខ្យល់ ដូចតទៅ៖https://www.youtube.com/watch?v=RefzvMt8Cx8