2023-10-30
SME News
2023-10-30
SME News
ភ្នំពេញ៖ ក្រុមប្រឹក្សាអភិវឌ្ឍន៍កម្ពុជា(CDC) បានអនុម័តឱ្យក្រុមហ៊ុនចំនួន៤ទៀត ដែលបោះទុនវិនិយោគសរុបចំនួន ១៣លានដុល្លារបង្កើតរោងចក្រផលិតគ្រឿងបន្សំម៉ាស៊ីនបូមធូលី ម៉ាស៊ីនត្រជាក់ បន្សុតខ្យល់ និងទឹក, កែច្នៃលោហធាតុ, ផលិតផលធ្វើអំពីកាកាវ និងផលិតសម្ភារវេចខ្ចប់។ នេះបើតាមការការចុះផ្សាយរបស់ CDC នៅថ្ងៃទី២៧ ខែតុលា ឆ្នាំ២០២៣នេះ។
ក្រុមហ៊ុនចំនួន៤ ដែលត្រូវបានក្រុមប្រឹក្សាអភិវឌ្ឍន៍កម្ពុជា អនុញ្ញាឱ្យប្រតិបត្តិការអាជីវកម្មនោះ គ្រោងនឹងបង្កើតរោងចក្រនៅខេត្តស្វាយរៀង និងខេត្តព្រះសីហនុ ដែលអាចបង្កើតឱកាសការងារបានចំនួន ៧៨២នាក់ផងដែរ។ សម្រាប់នៅខេត្តស្វាយរៀងមានក្រុមហ៊ុន JIANMIN FILTER (CAMBODIA) CO., LTD. បង្កើតរោងចក្រផលិតគ្រឿងបន្សំម៉ាស៊ីនបូមធូលីម៉ាស៊ីនត្រជាក់ និងតម្រងម៉ាស៊ីនបន្សុទ្ធខ្សល់ និងទឹកដែលមានទីតាំងវិនិយោគស្ថិតនៅក្នុងតំបន់សេដ្ឋកិច្ចពិសេស តាយសេង បាវិតនៅខេត្តស្វាយរៀង ក្នុងទុនវិនិយោគប្រមាណ ៥,៧លានដុល្លារអាម៉េរិក និងអាចបង្កើតការងារបានចំនួន ៣១៣កន្លែង។
សម្រាប់ខេត្តព្រះសីហនុ មានក្រុមហ៊ុន METENDAMETAL (CAMBODIA) CO., LTD. បង្កើតរោងចក្រស្ល និងកែច្នៃលោហៈធាតុដែលមានទីតាំងវិនិយោគស្ថិតនៅក្នុងតំបន់សេដ្ឋកិច្ចពិសេស ខេមបូឌាន-ស៊ីណូ មេធលលីកមេធៀរៀល នៅខេត្តព្រះសីហនុ ក្នុងទុនវិនិយោគ ៥លានដុល្លារអាម៉េរិកនិងអាចបង្កើតការងារបានចំនួន ៣២៣កន្លែង។
ចំណែក ក្រុមហ៊ុន HUANDA COCOA FOOD CO.,LTD. គម្រោងវិនិយោគបង្កើតរោងចក្រផលិតផលិតធ្វើអំពីកាកាវដែលមានទីតាំងវិនិយោគស្ថិតនៅក្នុងតំបន់សេដ្ឋកិច្ចពិសេស ក្រុងព្រះសីហនុខេត្តព្រះសីហនុ ក្នុងទុនវិនិយោគប្រមាណ ១,៣លានដុល្លារអាម៉េរិកនិងអាចបង្កើតការងារបានចំនួន ៤២កន្លែង។
ចំពោះ ក្រុមហ៊ុន HAINING NUOHE NEWMATERIAL CO., LTD. គម្រោងវិនិយោគបង្កើតរោងចក្រផលិតសម្ភារៈវេចខ្ចប់ដែលមានទីតាំងវិនិយោគស្ថិតនៅក្នុងតំបន់សេដ្ឋកិច្ចពិសេស ខេមបូឌាន ចេជាង ហ្គ័រជីខេត្តព្រះសីហនុ, ក្នុងទុនវិនិយោគ ១លានដុល្លារអាម៉េរិកនិងអាចបង្កើតការងារបានចំនួន ១០៤កន្លែង៕
នាំមកជូនដោយ
2023-08-13
លោក រាជៈ ឥន្រ្ទរៈរដ្ឋមន្រ្តីការបរទេសចិនបង្ហាញជំនឿចិត្តចំពោះមុខ ស...
2024-07-28
គិត បុប្ផាតើ«សហគ្រិនភាពឌីជីថល»ជាអ្វី? ផ្តល់ប្រយោជន៍អ្វីខ្...
ដីឡូត៍លេខ១១ ផ្លូវសម្តេច ជា ស៊ីម (1928) ភូមិច្រេស សង្កាត់គោកឃ្លាង ខណ្ឌសែនសុខ រាជធានីភ្នំពេញ
096 85 222 85 / 012 81 08 81
info.smenews@gmail.com
Telegram Contact
© រក្សារសិទ្ធគ្រប់យ៉ាងដោយ អង្គភាពសារព័ត៌មាន អេស.អ៊ឹម.អ៊ី