ភ្នំពេញ៖ ឱកាសការងារជាង ២ម៉ឺនកន្លែង មកពីក្រុមហ៊ុន រោងចក្រ និងសហគ្រាសធំៗចំនួន១៥០ នឹងរៀបចំនៅក្នុងពិព័រណ៍ការងារ និងផលិតភាពជាតិឆ្នាំ២០២៣ រយៈពេល ០២ថ្ងៃ គឺថ្ងៃទី១០-១១ ខែវិច្ឆិកា ឆ្នាំ២០២៣ ស្ថិតនៅអគារពិព័រណ៍កោះពេជ្រ។

ចំពោះ យុវជន និងអ្នកស្វែងរកការងារ ដែលចាប់អាម្មណ៍ និងកំពុងស្វែងរកឱ្យកាសការងារ អាចសូមត្រៀមប្រវត្តិរូប (CV) ដើម្បីចូលរួមដាក់ពាក្យ និងសម្ភាសការងារភ្លាមៗ។ ព្រឹត្តិការណ៍ការងារនេះ ក៏មានរៀបចំជាសិក្ខាសាលាអំពីការលើកកម្ពស់ផលិតភាព ដែលចូលរួមធ្វើបទបង្ហាញដោយវាគ្មិនជំនាញចាប់ពីម៉ោង៨ ព្រឹក ដល់ ៨ យប់នៅថ្ងៃទី១០-១១ ខែវិច្ឆិកា ខាងមុខនេះផងដែរ។

ពិព័រណ៍ការងារ និងផលិតភាពជាតិឆ្នាំ២០២៣នេះ រៀបចំដោយទីភ្នាក់ងារជាតិមុខរបរ និងការងារ (NEA) នៃក្រសួងការងារ និងបណ្តុះបណ្តាលវិជ្ជាជីវៈ សហភាពសហព័ន្ធយុវជនកម្ពុជា (UYFC) សមាគមវាយនភណ្ឌ សម្លៀកបំពាក់ ស្បែកជើង និងផលិតផល ធ្វើដំណើរនៅកម្ពុជា (TAFTAC) អង្គការអន្តរជាតិខាងការងារ (ILO) អង្គការភីផលអីននិត (People in Need Cambodia) និងគាំទ្រដោយដៃគូពាក់ព័ន្ធ។ នេះបើតាមការចុះផ្សាយរបស់ក្រសួងការងារ កាលពីថ្ងៃទី១២ ខែតុលាកន្លងទៅ៕