ភ្នំពេញ៖ តម្លៃលក់រាយប្រេងសាំងធម្មតាចុះថ្លៃ ១០០រៀល/លីត្រ គឺស្ថិតនៅតម្លៃ ៣,៩០០រៀល/លីត្រ ចំណែកឯតម្លៃប្រេងម៉ាស៊ូតវិញចុះ ១០០រៀលលីត្រ គឺនៅតម្លៃ ៣,៧៥០រៀល/លីត្រ។ នេះបើតាមសេចក្តីជូនដំណឹងអំពីការកំណត់ថ្លៃលក់រាយប្រេងឥន្ធនៈ នៅតាមស្ថានីយទូទាំងប្រទេស ដែលក្រសួងពាណិជ្ជកម្មចុះផ្សាយនាថ្ងៃទី១១ ខែកញ្ញា ឆ្នាំ២០២៤នេះ។

បើតាមសេចក្តីប្រកាសរបស់ក្រសួងពាណិជ្ជកម្មដដែល តម្លៃអតិបរមាលក់រាយប្រេងឥន្ធនៈនៅតាមស្ថានីយលក់រាយប្រេងឥន្ធនៈទាំងអស់ គឺសម្រាប់អនុវត្តក្នុងរយៈពេលពី ១០ថ្ងៃ ចាប់ពីថ្ងៃទី១១ ដល់ថ្ងៃទី២០ ខែកញ្ញា ឆ្នាំ២០២៤ ខណៈដែលកាលពី ១០ថ្ងៃមុន សាំងធម្មតាមានតម្លៃ ៤,០០០រៀល/លីត្រ និងប្រេងម៉ាស៊ូតមានតម្លៃ ៣,៨៥០រៀល/លីត្រ៕