ភ្នំពេញ៖ វិទ្យាស្ថានជាតិពាណិជ្ជសាស្រ្ត នឹងផ្តល់អាហារូបករណ៍ឱ្យយុវជន រៀនជំនាញធ្វើនំដោយឥតគិតថ្លៃ ក្នុងរយៈពេល ៤ខែ។ តាមការចុះផ្សាយរបស់វិទ្យាស្ថានជាតិពាណិជ្ជសាស្រ្ត សិស្សដែលមានបណ្ណក្រីក្រ និងបណ្ណងាយរងហានិភ័យ នឹងទទួលបានប្រាក់ឧបត្ថម្ភចំនួន ២៨ម៉ឺនរៀល ក្នុងមួយខែ អំឡុងពេលសិក្សា។

យុវជន ដែលមានបំណងសិក្សាជំនាញធ្វើនំ អាចដាក់ពាក្យតាមរយៈតំណភ្ជាប់ https://scholarship.tvet.gov.kh/request-scholarship ចាប់ពីថ្ងៃទី៦ ខែកញ្ញា ឆ្នាំ២០២៤ នេះតទៅ។ សម្រាប់ព័ត៌មានលម្អិត សាធារណជនអាចទំនាក់ទំនងតាមលេខទូរសព្ទ ០១៦ ៣៥៧ ៩២៨ និង០១២ ៧៥០ ៩៦៩។

ជំនាញខាងលើនេះ គឺស្ថិតក្នុងកម្មវិធីបណ្តុះបណ្តាលជំនាញវិជ្ជាជីវៈ និងបច្ចេកទេសដល់យុវជនមកពីគ្រួសារក្រីក្រ និងគ្រួសារងាយរងហានិភ័យចំនួន ១,៥លាននាក់ របស់រាជរដ្ឋាភិបាល។ កម្មវិធីនេះ មានគោលបំណងផ្តល់ឱកាសស្មើគ្នាដល់យុវជនមកពីគ្រួសារមានបណ្ណសមធម៌/បណ្ណសម្គាល់គ្រួសារងាយរងហានិភ័យ ដើម្បីទទួលបានការបណ្តុះបណ្តាលជំនាញវិជ្ជាជីវៈ និងបច្ចេកទេស ហើយមានឱកាសការងារកាន់តែល្អប្រសើរក្នុងការបង្កើនប្រាក់ចំណូល និងជីវភាពរស់នៅ៕