ភ្នំពេញ៖ ក្រុមហ៊ុន Wanli Stone កំពុងរៀបចំផែនការពង្រីកការវិនិយោគបន្ថែមក្នុងប្រទេសកម្ពុជា ពិសេសនឹងពិនិត្យលទ្ធភាពវិនិយោគលើការបង្កើតតំបន់សេដ្ឋកិច្ចពិសេសនៅកម្ពុជាផងដែរ។ នេះជាការលើកឡើងរបស់ លោក Zou Peng ប្រតិភូក្រុមហ៊ុន Wanli Stone កាលពីថ្ងៃទី៨ ខែកញ្ញា ឆ្នាំ២០២៤។

ក្នុងឱកាសជួបជាមួយ ឯកឧត្តម ស៊ុន ចាន់ថុល ឧបនាយករដ្ឋមន្ត្រី អនុប្រធានទី១ ក្រុមប្រឹក្សាអភិវឌ្ឍន៍កម្ពុជា ដើម្បីពិសារអាហារ និងពិភាក្សាការងារ លោក Zou Peng បញ្ជាក់ថា ក្រុមហ៊ុន Wanli Stone ជាក្រុមហ៊ុនមួយដែលកំពុងវិនិយោគនៅក្នុងខេត្តកំពង់ស្ពឺ លើមុខសញ្ញាអាជីវកម្មថ្មម៉ាប ឬថ្មក្រានីត។ នេះបើតាមការចុះផ្សាយរបស់ក្រុមប្រឹក្សាអភិវឌ្ឍន៍កម្ពុជា នាថ្ងៃទី៨ ខែកញ្ញា ឆ្នាំ២០២៤៕