ភ្នំពេញ៖ ក្រុមហ៊ុន Shanghai Hantang Shipping Co., Ltd. បង្ហាញបំណងចង់សិក្សាស្វែងយល់បន្ថែមអំពីបរិយាកាស និងសក្ដានុពលវិនិយោគនៅកម្ពុជា ពិសេសវិស័យកំពង់ផែ និងមធ្យោបាយដឹកជញ្ជូនតាមផ្លូវទឹក។ នេះជាការលើកឡើងរបស់លោក Jason Fan ប្រធានក្រុមប្រឹក្សាភិបាល និងជានាយកប្រតិបត្តិក្រុមហ៊ុន Shanghai Hantang Shipping Co., Ltd.។

ក្នុងជំនួបនាថ្ងៃទី២៨ ខែវិច្ឆិកា ឆ្នាំ២០២៤ ជាមួយលោក Jason Fan នេះ ២០២៤ ឯកឧត្តម ស៊ុន ចាន់ថុល ឧបនាយករដ្ឋមន្ត្រី អនុប្រធានទី១ ក្រុមប្រឹក្សាអភិវឌ្ឍន៍កម្ពុជា ក៏បានផ្ដល់ព័ត៌មានអំពីគម្រោងជាប្រវត្តិសាស្រ្តរបស់កម្ពុជាដល់ក្រុមហ៊ុន គឺគម្រោងព្រែកជីកហ្វូណនតេជោ និងប្រព័ន្ធភស្ដុភារកម្មកម្ពុជា។ ឯកឧត្តម ស៊ុន ចាន់ថុល បានបន្តថា គម្រោងទាំងអស់នេះ សុទ្ធសឹងតែជាវិស័យដែលក្រុមហ៊ុន Shanghai Hantang Shipping Co., Ltd. កំពុងមានចំណាប់អារម្មណ៍បណ្ដាក់ទុនវិនិយោគនៅកម្ពុជាផងដែរ៕