ភ្នំពេញ៖ ក្រសួងទេសចរណ៍ សម្រេចលើកលែងការពិន័យអន្តរការណ៍ជាប្រាក់ ចំពោះការហួសសុពលភាពអាជ្ញាបណ្ណមគ្គុទេសក៍ទេសចរណ៍គ្រប់កម្រិត និងការហួសសុពលភាពបណ្ណអនុញ្ញាតអ្នកបកប្រែភាសាបន្ត។ ការលើកលែងការពិន័យនេះ គឺស្របតាមការសម្រេចរបស់សម្តេចធិបតី ហ៊ុន ម៉ាណែត ដើម្បីជាយន្តការលើកទឹកចិត្តដល់មគ្គុទេសក៍ទេសចរណ៍ អ្នកបកប្រែភាសាបន្តទាំងអស់ និងចូលរួមកាត់បន្ថយបន្ទុកអនុលោមភាពផងដែរ។

សមាគមមគ្គុទេសក៍ទេសចរណ៍ មុគ្គទ្ទេសក៍ទេសចរណ៍ និងអ្នកបកប្រែភាសាបន្តទាំងអស់ នឹងត្រូវលើកលែងការពិន័យជាប្រាក់ ចំពោះការហួសសុពលភាពអាជ្ញាបណ្ណចាប់ពីថ្ងៃទី២៣ ខែសីហា ឆ្នាំ២០២៤ រហូតដល់ថ្ងៃទី៣១ ខែធ្នូ ឆ្នាំ២០២៤។ នេះបើតាមសេចក្តីជូនដំណឹង ស្ដីពីការលើកលែងការពិន័យអន្តរការណ៍ជាប្រាក់ចំពោះការហួសសុពលភាពអាជ្ញាបណ្ណមគ្គុទ្ទេសក៍ទេសចរណ៍ និងអ្នកបកប្រែភាសាបន្តពីមគ្គុទ្ទេសក៍ទេសចរណ៍។

មគ្គុទេសក៍ទេសចរណ៍ និងអ្នកបកប្រែភាសាបន្តដែលមានអាជ្ញាបណ្ណទេសចរណ៍ និងបណ្ណអនុញ្ញាតហួសសុពលភាព ត្រូវរួសរាន់ដាក់ពាក្យស្នើសុំបន្តអាជ្ញាបណ្ណទេសចរណ៍ ឬបណ្ណអនុញ្ញាតនៅតាមមន្ទីរទេសចរណ៍រាជធានី ខេត្ត។ ចំពោះព័តមានបន្ថែម អាចទំនាក់ទំនងតាមលេខទូរសព្ទលេខ ០១២ ៧៥៧ ៣៧៦ ឬ ០៩២ ៧៧៩ ៨៣៣ រៀងរាល់ម៉ោងធ្វើការ៕