ភ្នំពេញ៖ សម្តេចតេជោ ប្រមុខរដ្ឋស្តីទី ចេញព្រះរាជក្រឹត្យ កែសម្រួល និងតែងតាំងឯកឧត្តម ហួត ហាក់ ជារដ្ឋមន្ត្រីក្រសួងទេសចរណ៍ និងឯកឧត្តម សុខ សូកេន ជារដ្ឋមន្ត្រីក្រសួងអធិការកិច្ច។ កាលពីដើមនីតិកាលទី៧ ឯកឧត្តម ហួត ហាក់ កាន់តំណែងជារដ្ឋមន្ត្រីក្រសួងអធិការកិច្ច ចំណែកឯ ឯកឧត្តម សុខ សូកេន

កាន់តំណែងជារេដ្ឋមន្ត្រីក្រសួងទេសចរណ៍។

ការចេញព្រះរាជក្រឹត្យនេះ បន្ទាប់ពីរដ្ឋសភាប្រជុំវិសាមញ្ញ នីតិកាលទី៧ នៅថ្ងៃទី២០ ខែកញ្ញា ឆ្នាំ២០២៤នេះ បានបោះឆ្នោតគាំទ្រការកែសម្រួល និងតែងតាំងសមាសភាពរាជរដ្ឋាភិបាលចំនួន២ រូបខាងលើ ក្រោមអធិបតីភាពសម្តេចធិបតី ឃួន សុដារី ប្រធានរដ្ឋសភា៕