ភ្នំពេញ៖ ប្រទេសកម្ពុជា និងអូស្ត្រាលី បានពិភាក្សាអំពីមធ្យោបាយនានា ដើម្បីជំរុញបន្ថែមទៀតនូវកិច្ចសហប្រតិបត្តិការក្នុងវិស័យសំខាន់ៗរួមមាន ពាណិជ្ជកម្ម វិនិយោគ និងទេសចរណ៍។ នេះបើតាមការចុះផ្សាយរបស់ក្រសួងការបរទេស និងសហប្រតិបត្តិការអន្ដរជាតិ កាលពីថ្ងៃទី១៤ ខែសីហា ឆ្នាំ២០២៤។

ការពិភាក្សា រវាងឯកឧត្តម ប្រាក់ ងួនហុង រដ្ឋលេខាធិការក្រសួងការបរទេស និងសហប្រតិបត្តិការអន្ដរជាតិ និងលោកស្រី Bridget Collier អនុប្រធានបេសកកម្មថ្មីនៃស្ថានទូតអូស្ដ្រាលី បានធ្វើឡើងកាលពីថ្ងៃទី១៤ ខែសីហា ឆ្នាំ២០២៤។ ក្នុងកិច្ចពិភាក្សានោះ លោកស្រី Bridget Collier ក៏បានសម្ដែងក្តីរីករាយដែលបានមកបំពេញការងារនៅកម្ពុជា និងវាយតម្លៃខ្ពស់ចំពោះកិច្ចសហប្រតិបត្តិការល្អរវាងក្រសួងការបរទេសនិងសហប្រតិបត្តិការអន្ដរជាតិ និងស្ថានទូតអូស្ដ្រាលីប្រចាំកម្ពុជាផងដែរ៕