ភ្នំពេញ៖ ព្រឹត្តិការណ៍ Gumball 3000 ជាព្រឹត្តិការណ៍ប្រមូលផ្តុំរថយន្ត Supercars, Sports, Luxury cars និងកំពូលរថយន្តប្រណិតៗជុំវិញភិភពលោក បានរៀបចំនៅកម្ពុជា នាថ្ងៃទី១៥ នៅរាជធានីភ្នំពេញ និងពីថ្ងៃទី១៦-១៧ ខែកញ្ញា ឆ្នាំ២០២៤ នៅខេត្តសៀមរាប ដើម្បីប្រមូលថវិកាជួយមន្ទីពេទ្យកុមារអង្គរសៀមរាប និងផ្សព្វផ្សាយទេសចរណ៍កម្ពុជា។

ចំពោះ ថវិកាដែលប្រមូលបានពីព្រឹត្តិការណ៍ Gumball 3000 ដោយសហការជាមួយក្រុមហ៊ុន ជីប ម៉ុង, ក្រសួងទេសចរណ៍ និងស្ថាប័នពាក់ព័ន្ធនានា នឹងយកទៅបរិច្ចាគដល់មន្ទីរពេទ្យកុមារអង្គរ ខេត្តសៀមរាប ក្នុងគោលបំណងដើម្បីស្នាមញញឹម និងជួយសង្គ្រោះជីវិតកុមារនៅកម្ពុជា។

ព្រឹត្តិការណ៍ Gumball 3000 នេះ រៀបចំឡើងក្នុងគោលបំណងជំរុញវិស័យទេសចរណ៍នៅកម្ពុជាទៅកាន់ពិភពលោក, រួមចំណែកក្នុងសប្បុរសធម៌ដ៏ធំទៅមន្ទីរពេទ្យកុមារអង្គរខេត្តសៀមរាប, បើកឱកាសឱ្យវិនិយោគគិនឯកជនបរទេស និងក្នុងស្រុកបានជួបគ្នា និងបង្កើតកំណត់ត្រាពិភពលោកហ្គីណេសអំពី«ការចូលរួមចតរថយន្តច្រើនជាងគេនៅមុខប្រាសាទអង្គរវត្ត»៕