ភ្នំពេញ៖ ឯកឧត្តម ហួត ហាក់ រដ្ឋមន្រ្តីក្រសួងទេសចរណ៍ ពិភាក្សាជាមួយលោក Bodo Pfaff-Greiffenhagen តំណាងក្រុមហ៊ុន Marketpilots ពីគម្រោងតភ្ជាប់ជើងហោះហើរត្រង់រវាងសាធារណរដ្ឋអាល្លឺម៉ង និងកម្ពុជា តាមរយៈអាកាសយានដ្ឋានអន្តរជាតិតេជោ (ភ្នំពេញ)។

ពាក់ព័ន្ធនឹងការតភ្ជាប់ជើងហោះហើរនេះដែរ គឺដើម្បីជំរុញកំណើនទេសចរពីទីផ្សារអឺរ៉ុប ជាពិសេសទីផ្សារនិយាយភាសាអាល្លឺម៉ង់មកកាន់កម្ពុជាឱ្យកាន់តែទូលំទូលាយ និងជំរុញលើកតម្កើងកិត្តិនាមកម្ពុជាជាគោលដៅទេសចរណ៍ប្រកបដោយភាពកក់ក្តៅ និងឈានមុខគេក្នុងតំបន់ និងពិភពលោក។ នេះបើតាមការចុះផ្សាយរបស់ ក្រសួងទេសចរណ៍នាថ្ងៃទី០៧ ខែមីនា ឆ្នាំ២០២៥៕