ភ្នំពេញ៖ ឯកឧត្តម ឃុន សាវឿន រដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ និងមន្ត្រីជំនាញបានពិនិត្យស្ថានភាពនៃការធ្វើវារីវប្បកម្មចិញ្ចឹមត្រី និងបង្កងរបស់កសិករ ស្ថិតនៅឃុំអន្លង់សំណរ ស្រុកជីក្រែង ខេត្តសៀមរាប។ ការចុះស្វែងយល់ដំណើរការនៃចិញ្ចឹម និងភ្ញាស់ត្រីឆ្តោ ត្រីប្រា ត្រីឆ្ពិន ត្រីកាប និងបង្កងនេះ គឺដើម្បីគាំទ្របច្ចេកទេសបន្ថែម និងបង្កើនប្រាក់ចំណូលដល់ប្រជាពលរដ្ឋនៅតាមសហគមន៍។

ការចុះសម្របសម្រួលរាល់បញ្ហារបស់វារីវប្បករ កាលពីថ្ងៃទី១២ ខែសីហា ឆ្នាំ២០២៤នេះ ក៏មានការចូលរួមពីលោកនាយខណ្ឌរដ្ឋបាលជលផលខេត្តសៀមរាប ការិយាល័យកសិកម្ម ធនធានធម្មជាតិ និងបរិស្ថាន ក្រុមប្រឹក្សាឃុំអន្លង់សំណរ និងថ្នាក់ដឹកនាំសហគមន៍នេសាទអន្លង់សំណរ និងមន្ត្រីជំនាញៗជាច្រើនរូបទៀត។ នេះបើតាមការចុះផ្សាយរបស់ក្រសួងកសិកម្ម នាថ្ងៃទី១៤ ខែសីហា ឆ្នាំ២០២៤៕