ភ្នំពេញ៖ គិតត្រឹមព្រឹកថ្ងៃទី០១ ខែតុលា ឆ្នាំ២០២៣នេះ ប្រជាពលរដ្ឋ និងនិស្សិតខ្មែរនៅអ៊ីស្រាអែលចំនួន ៣២៣នាក់ ក្នុងចំណោម ៤៥៤នាក់ ត្រូវបានជម្លៀសទៅកាន់ទីតាំងមានសុវត្ថិភាពហើយ ខណៈរដ្ឋាភិបាលកម្ពុជា បន្តតាមដាន និងប្រឹងប្រែងជួយអន្តារាគមន៍សម្រាប់ពលរដ្ឋនិងនិស្សិតចំនួន ១៣១នាក់ទៀតផ្សេងទៀត ដែលកំពុងស្ថិតនៅក្នុងតំបន់ក្រហម នៃការប្រយុទ្ធគ្នារវាងកងទ័ពរដ្ឋាភិបាលអ៊ីស្រាអែល និងក្រុមសកម្មប្រយុទ្ធហាម៉ាស់។

តាមរយៈសារជាសំឡេងជិត៨នាទី សម្តេចធិបតី ហ៊ុន ម៉ាណែត បញ្ជាក់ថា រាជរដ្ឋាភិបាលកម្ពុជា បន្តតាមដានយ៉ាងយកចិត្តទុកដាក់ រហូតដល់ប្រជាពរដ្ឋ និងនិស្សិតខ្មែរនៅអ៊ីស្រាអែល ទៅដល់ទីតាំងមានសុវត្ថិភាពគ្រប់ៗគ្នា។ សម្តេចនាយករដ្ឋមន្ត្រី ក៏បានអំពាវនាវដល់ប្រជាពលរដ្ឋខ្មែរ ក៏ដូចជានិស្សិសដែលកំពុងរស់នៅទីនោះ បន្តយកចិត្តទុកដាក់ថែរក្សាសុវត្ថភាពផ្ទាល់ខ្លួន និងគោរពឱ្យបានម៉ឺងម៉ាតរបស់អាជ្ញាធរអ៊ីស្រាអែល៕