ភ្នំពេញ៖ សម្ដេចធិបតីនាយករដ្ឋមន្ត្រី ហ៊ុន ម៉ាណែត ថ្លែងនៅព្រឹកថ្ងៃទី១០ ខែតុលា ឆ្នាំ២០២៣ ចូលរួមរំលែកទុក្ខយ៉ាងក្រៀមក្រំបំផុតចំពោះការបាត់បង់ជីវិតរបស់និស្សិតខ្មែរឈ្មោះ ចាន់ ឧត្ដម កំពុងសិក្សានៅប្រទេសអ៉ីស្រាអែល ក្នុងសង្គ្រាមរវាងអ៉ីស្រាអែល និងក្រុមហាម៉ាស របស់ប៉ាឡេស្ទីន។

សម្តេចធិបតី បានឱ្យដឹងនៅក្នុងពិធីប្រកាសដាក់ឱ្យអនុវត្តជាផ្លូវការ៖«យុទ្ធសាស្ត្រជាតិស្តីពីការអភិវឌ្ឍសេដ្ឋកិច្ចក្រៅប្រព័ន្ធ ឆ្នាំ២០២៣-២០២៨» នាព្រឹកថ្ងៃទី១០ ខែតុលានេះ ថា ក្នុងចំណោម និស្សិត ខ្មែរ ចំនួន ៤៥៤នាក់ មាននិស្សិត ៣២៣នាក់ ដែលត្រូវបាន ជម្លៀស ទៅកាន់ទី មាន សុវត្ថិភាព ខណៈដែលរដ្ឋាភិបាលកំពុង ប្រឹងប្រែង ជួយដល់និស្សិតចំនួន ១៣១នាក់ផ្សេងទៀត។ សម្តេចធិបតីនាយករដ្ឋមន្ត្រី ហ៊ុន ម៉ាណែត បាន បញ្ជាក់ផងដែរថា រាជរដ្ឋាភិបាលបាន យក ចិត្តទុក ដាក់ខ្លាំង លើកិច្ចការងារជួយដល់និស្សិតខ្មែរទាំងនោះ ដើម្បីធាននានូវសុខសុវត្ថិភាពខ្ពស់