ភ្នំពេញ៖ សមាគមកាយឫទ្ធិនារីកម្ពុជា អំពាវនាវឱ្យសាធារណជនបរិច្ចាគរបស់របរប្រើប្រាស់ដែលឈប់ប្រើប្រាស់ ប៉ុន្តែនៅមានគុណភាពល្អ មកកាន់យុទ្ធនាការ «ចាស់គេ ថ្មីខ្ញុំ» ដើម្បីជួយដល់អ្នកខ្វះខាត និងផ្ដល់បន្តដល់អ្នកដែលមានតម្រូវការ។ សម្លៀកបំពាក់ ឬសម្ភារសិក្សា ដែលប្រើប្រាស់រួចរបស់សប្បុរសជន សមាគមកាយឫទ្ធិ នឹងកែច្នៃទៅជារបស់ថ្មី និងមានប្រយោជន៍សម្រាប់អ្នកដែលត្រូវការប្រើប្រាស់បន្ត។

តាមការចុះផ្សាយរបស់សមាគមកាយឫទ្ធិនារីកម្ពុជា កាលពីថ្ងៃទី១១ ខែកក្កដា ឆ្នាំ២០២៤ សាធារជន អាចបរិច្ចាគរបស់របរដែលអ្នកឈប់ប្រើប្រាស់របស់ខ្លួន មកកាន់ធុងបរិច្ចាគនៅទីស្នាក់ការសមាគមកាយឫទ្ធិនារីកម្ពុជា ចាប់ពីថ្ងៃទី១០ កក្កដា រហូតដល់ថ្ងៃទី៣១ ខែកក្កដា ឆ្នាំ២០២៤។

ធុងបរិច្ចាគនៅទីស្នាក់ការសមាគមកាយឫទ្ធិនារីកម្ពុជា ស្ថិតនៅផ្ទះលេខ ៥អេ ផ្លូវ១៣៤ សង្កាត់មិត្តភាព ខណ្ឌ៧មករា រាជធានី ភ្នំពេញ ឬអាចទំនាក់ទំនងមកកាន់លេខទូរសព្ទ ០៩៦ ៦៤៦ ៤៥៧៤ ឬ០៩៣ ៨៥៨ ៨៩៣៕

សមាគមកាយឫទ្ធិនារីកម្ពុជា អំពាវនាវឱ្យសាធារណជនបរិច្ចាគរបស់របរប្រើប្រាស់ ដែលឈប់ប្រើប្រាស់មកកាន់យុទ្ធនាការ «ចាស់គេ ថ្មីខ្ញុំ» ដើម្បីជួយដល់អ្នកខ្វះខាត និងផ្ដល់បន្តដល់អ្នកដែលមានតម្រូវការ៕