ភ្នំពេញ៖ តាមរយៈជំនួប រវាង ឯកឧត្តម កែវ រតនៈ រដ្ឋមន្ត្រីក្រសួងរ៉ែនិងថាមពល ជាមួយ លោក Xue Dong អគ្គទីប្រឹក្សាថ្មីទទួលបន្ទុកសេដ្ឋកិច្ចនិងពាណិជ្ជកម្ម នៃស្ថានទូតចិនប្រចាំកម្ពុជា ភាគីទាំង កម្ពុជា និងចិន ផ្តាច់ជ្ញាពង្រឹងកិច្ចសហប្រតិបត្តិការលើវិស័យរ៉ែ និងថាមពល ឱ្យកាន់តែរឹងមាំ។

បើតាមការចុះផ្សាយរបស់ ក្រសួងរ៉ែនិងថាមពល នាថ្ងៃទី៣១ តុលា ២០២៦ ក្នុងជំនួបពិភាក្សានេះ ភាគីទាំងពីរបានផ្លាស់ប្តូរទស្សនៈនិងពិភាក្សាអំពីការបន្តពង្រឹងនិងពង្រីកកិច្ចសហប្រតិបត្តិការលើវិស័យរ៉ែ ថាមពល សេដ្ឋកិច្ច និងពាណិជ្ជកម្ម សំដៅលើកកម្ពស់ទំនាក់ទំនងភាពជាដៃគូរវាងកម្ពុជានិងចិន ឱ្យកាន់តែស៊ីជម្រៅនិងប្រកបដោយប្រសិទ្ធភាព៕