ភ្នំពេញ៖ លោកជំទាវ អ៊ាត សោភា រដ្ឋលេខាធិការប្រចាំការក្រសួងការបរទេស និងសហប្រតិបត្តិការអន្តរជាតិ និង ឯកឧត្តម Wojciech GERWEL បេសកជនពិសេសរបស់រដ្ឋមន្ត្រីការបរទេសប៉ូឡូញ ទទួលបន្ទុកកិច្ចការឥណ្ឌូ-ប៉ាស៊ីហ្វិក ពិភាក្សាជំរុញភាពជាដៃគូដើម្បីផលប្រយោជន៍ទៅវិញទៅមកលើវិស័យនយោបាយ សេដ្ឋកិច្ច និងសង្គមកិច្ច ដែលមានសក្តានុពល។

ភាគីទាំងពីរ ក៏បានផ្លាស់ប្តូរយោបល់គ្នាអំពីស្ថានការណ៍តំបន់ និងអន្តរជាតិ ព្រមទាំងការវិវត្តថ្មីៗនៃជម្លោះព្រំដែនកម្ពុជា-ថៃ និងបានបញ្ជាក់ពីការប្ដេជ្ញាចិត្តនៃប្រទេសកម្ពុជា និងប៉ូឡូញ ក្នុងការបន្តលើកកម្ពស់ប្រព័ន្ធពហុភាគីនិយម និងសណ្ដាប់ធ្នាប់អន្តរជាតិដែលផ្អែកលើច្បាប់ផងដែរ។ នេះបើតាមការចុះផ្សាយរបស់ ក្រសួងការបរទេស កាលពីថ្ងៃទី១៤ ខែកុម្ភៈ ឆ្នាំ២០២៦៕