ភ្នំពេញ៖ លោក រ៉េម ញ៉ាញ់ អនុព័ន្ធពាណិជ្ជកម្មអមស្ថានទូតកម្ពុជាប្រចាំប្រទេសឥណ្ឌូនេស៊ី ស្នើឱ្យក្រុមហ៊ុន PT.SINAR HARAPAN BERSATU (SHB) ពិនិត្យលទ្ធភាពនាំចេញដំណាំកសិកម្ម និងកសិ-ឧស្សាហកម្ម ដែលមានសក្តានុពលរបស់កម្ពុជា រួមមាន៖ គ្រាប់ស្វាយចន្ទី ដំឡូងមី ស្វាយកែវរមៀត និងអង្ករកម្ពុជា ទៅកាន់ទីផ្សារឥណ្ឌូនេស៊ី។

ក្នុងកិច្ចពិសារអាហារការងារជាមួយក្រុមហ៊ុន SHB នៅ Toscana Restaurant កាលពីថ្ងៃទី២៤ ខែមេសា ឆ្នាំ២០២៥ លោក រ៉េម ញ៉ាញ់ ក៏បានពិភាក្សាអំពីការជំរុញការគាំទ្រកិច្ចសហប្របត្តិការរវាងប្រទេសកម្ពុជា-ឥណ្ឌូនេស៊ី ដើម្បីស្វែងរកឱកាសនាំចេញទំនិញជាប្រភេទម្ហូបអាហារ និងផ្លែសាឡាក់ស្រស់ពីឥណ្ឌូណេស៊ី ទៅកាន់ទីផ្សារកម្ពុជាផងដែរ៕