ភ្នំពេញ៖ ក្រសួងទេសចរណ៍ និងធនាគារពាណិជ្ជកម្មក្រៅប្រទេសកម្ពុជា (FTB) ពិនិត្យលទ្ធភាពចុះអនុស្សរណៈយោគយល់គ្នា (MOU) លើការទូទាត់ប្រាក់កម្រៃសេវាកម្មអាជ្ញាបណ្ណរបស់ក្រសួង។ នេះបើតាមការចុះផ្សាយរបស់ ក្រសួងទេសចរណ៍ នាថ្ងៃទី១១ ខែមេសា ឆ្នាំ២០២៥។

ក្នុងជំនួបពិភាក្សាការងារ កាលថ្ងៃទី០៩ ខែមេសា ឆ្នាំ២០២៥ រវាង ឯកឧត្តម ហួត ហាក់ រដ្ឋមន្រ្តីក្រសួងទេសចរណ៍ និងលោក ឌិត សុចល ប្រធាននាយកប្រតិបត្តិ នៃធនាគារពាណិជ្ជកម្មក្រៅប្រទេសកម្ពុជា (FTB) ភាគីទាំងពីរ ក៏បានពិភាក្សាអំពីកិច្ចសហប្រតិបត្តិការអភិវឌ្ឍន៍វិស័យទេសចរណ៍នៅកម្ពុជា និងការពិនិត្យលទ្ធភាពបង្កើតកិច្ចសហការជាមួយគ្នាផងដែរ៕