ភ្នំពេញ៖ គណៈប្រតិភូក្រសួងសង្គមកិច្ច អតីតយុទ្ធជន និងយុវនីតិសម្បទា ដឹកនាំដោយ លោកជំទាវ លៀង ស្រីម៉ុល រដ្ឋលេខាធិការ ស្នើឱ្យក្រុមប្រឹក្សាអភិវឌ្ឍន៍កម្ពុជា ជំរុញដល់វិនិយោគិន និយោជក ដែលជាម្ចាស់ក្រុមហ៊ុន រោងចក្រ សហគ្រាស គ្រឹះស្ថាន និងវិស័យឯកជននានា ជ្រើសរើសជនមានពិការភាពឱ្យចូលបម្រើការងារតាមអត្រាកំណត់១%។

ការស្នើដល់ក្រុមប្រឹក្សាអភិវឌ្ឍន៍កម្ពុជា របស់ លោកជំទាវ លៀង ស្រីម៉ុល ក្នុងកិច្ចពិភាក្សា កាលពីថ្ងៃទី២៨ ខែកុម្ភៈ ឆ្នាំ២០២៥ ជាមួយ ឯកឧត្តម ជួប សុភក្តិ អគ្គលេខាធិការរង នៃអគ្គលេខាធិការដ្ឋានក្រុមប្រឹក្សាអភិវឌ្ឍន៍កម្ពុជានេះ គឺដើម្បីជំរុញការចូលរួមអនុវត្តច្បាប់ស្តីពីកិច្ចការពារ និងលើកកម្ពស់សិទ្ធិជនពិការ៕