ភ្នំពេញ៖ ក្រសួងការងារ និងបណ្តុះបណ្តាលវិជ្ជាជីវៈ នឹងសហការជាមួយរោងចក្រ ហ្វ័រម៉ាត (ខេមបូឌា) ខូ អិលធីឌី FOREMART (CAMBODIA) CO., LTD. ស្ថិតនៅភូមិអន្លង់គងថ្មី សង្កាត់ព្រៃស ខណ្ឌដង្កោ រាជធានីភ្នំពេញ ដែលទទួលរងឧបទ្ទវហេតុអគ្គិភ័យ បើកប្រាក់ឈ្នួល និងប្រាក់បំណាច់ផ្សេងៗដល់កម្មករនិយោជិត ចាប់ពីថ្ងៃទី២០ ខែកុម្ភៈ ឆ្នាំ២០២៥ តទៅ។

ការបើកប្រាក់ឈ្នួល និងប្រាក់បំណាច់ផ្សេងៗ នឹងធ្វើនៅសាលាខណ្ឌដង្កោ រាជធានីភ្នំពេញ ចាប់ពីម៉ោង ៨:០០នាទីព្រឹក ដោយក្នុងនោះកម្មករនិយោជិតត្រូវភ្ជាប់មកនូវឯកសារមួយចំនួន ដូចជា៖ បណ្ណ (កាត) ច្បាប់ដើម ឬកិច្ចសន្យាការងារ និងសៀវភៅការងារ ឬបណ្ណសមាជិក ប.ស.ស. ឬអត្តសញ្ញាណប័ណ្ណសញ្ជាតិខ្មែរ ឬលិខិតឆ្លងដែន និងបណ្ណបើកប្រាក់ឈ្នួលប្រចាំខែរបស់កម្មករនិយោជិតម្នាក់ៗ (បើមាន)។

សម្រាប់ព័ត៌មានបន្ថែម កម្មករអាចទំនាក់ទំនងមកតាមរយៈលេខ ០១២ ៤៣៦ ១៤៣ ឬ ០១០ ៦៦៨ ៣៣៣។ ចំពោះកម្មករនិយោជិត ដែលមិនទាន់ទទួលបានការងារថ្មីធ្វើ អាចមកទទួលយកឱកាសការងារថ្មីពីមជ្ឈមណ្ឌលការងារចល័តនៃទីភ្នាក់ងារជាតិមុខរបរ និងការងារ (NEA) ដែលប្រចាំការនៅរោងចក្រ ហ្វ័រម៉ាត (ខេមបូឌា) ខូ អិលធីឌី ឬមកកាន់ NEA ដែលស្ថិតនៅបរិវេណក្រសួងការងារ ឬទំនាក់ទំនងតាមរយៈលេខ ០៧៧ ២៣២ ៣៧៨ / ០១៦ ៧៨៦ ៦៥៥៕