ភ្នំពេញ៖ ប្រតិភូរបស់ទីម័រលេស្តេ បានពិភាក្សាជាមួយនឹងប្រតិភូរាជរដ្ឋាភិបាលកម្ពុជា ដើម្បីស្វែងយល់ពីសក្តានុពលក្នុងកិច្ចសហប្រត្តិបត្តិការធ្វើពាណិជ្ជកម្មអង្ករ រវាងក្រុមហ៊ុនហ្រ្គីនត្រេដ និងចរចាពីលក្ខខណ្ឌបច្ចេកទេស ក្នុងការនាំចេញទៅប្រទេសទីម័លេស្តេ។

ក្នុងជំនួបពិភាក្សា និងស្វែងយល់ពីសក្តានុពលក្នុងកិច្ចសហប្រត្តិបត្តិការធ្វើពាណិជ្ជកម្មអង្កររបស់កម្ពុជា ទៅកាន់ប្រទេសទីម័រលេស្តេ នៅថ្ងៃទី១៤ ខែវិច្ឆិកា ឆ្នាំ២០២៣ រវាងឯកឧត្តម ចាន់ សុខទី ប្រធានអគ្គនាយកក្រុមហ៊ុនហ្រ្គីនត្រេដ នៃក្រសួងពាណិជ្ជកម្ម និងលោក Anibal Carvalho Muniz តំណាងក្រសួងកិច្ចការសេដ្ឋកិច្ចរបស់ទីម័រលេស្តេ គណប្រតិភូទីម័រលេស្តេក៏បានធ្វើទស្សនកិច្ចនៅរោងម៉ាស៊ីនកិនស្រូវ ឃ្លាំងគីឡូម៉ែត្រលេខ៦ ដើម្បីស្វែងយល់ពីសក្តានុពលក្នុងការនាំអង្ករចេញក្រោមយន្តការរដ្ឋ និងរដ្ឋ ផងដែរ។

សូមជម្រាបថា កម្ពុជា និងទីម័រលេស្តេ បានអនុស្សារណនៃការយោគយល់គ្នា តាំងពីថ្ងៃទី២០ ខែតុលា ឆ្នាំ២០២២ មកម្ល៉េះ ស្តីពីការធ្វើពាណិជ្ជកម្មអង្កររវាងក្រសួងពាណិជ្ចកម្ម និងក្រសួងការបរទេសនិងសហប្រត្តិបត្តិការទីម័រលេស្តេ៕