ភ្នំពេញ៖ លោកជំទាវ ចម និម្មល រដ្ឋមន្ត្រីក្រសួងពាណិជ្ជកម្ម និងឯកឧត្តម Dominic Williams ឯកអគ្គរាជទូតចក្រភពអង់គ្លេសប្រចាំកម្ពុជា បានកំណត់ទិសដៅការងារបន្តក្នុងការលើកកម្ពស់កិច្ចសហប្រតិបត្តិការពាណិជ្ជកម្មនិងវិនិយោគ ឱ្យមានកំណើនប្រកបដោយបរិយាប័ន្ន និងចីរភាព។

ក្នុងកិច្ចពិភាក្សាពីវឌ្ឍនភាពការងាក្រោមក្របខ័ណ្ឌវេទិកាពាណិជ្ជកម្ម និងវិនិយោគ ដែលធ្វើឡើងកាលថ្ងៃទី១២ ខែវិច្ឆិកា ឆ្នាំ២០២៤ នេះ លោកជំទាវ ចម និម្មល និងឯកឧត្តម Dominic Williams ក៏បានជជែកពីការពង្រឹងភាពជាដៃគូររវាងប្រទេសទាំងពីរ ឱ្យកាន់តែល្អថែមមួយកម្រិតទៀតផងដែរ។ កិច្ចពិភាក្សានេះ ធ្វើឡើងក្នុងពិធីបើកវេទិកាពាណិជ្ជកម្ម និងវិនិយោគ លើកទី២ ក្រោមប្រធានបទ «ចក្ខុវិស័យឆ្ពោះទៅកាន់ឆ្នាំ២០៣០» ដែលមានវត្តមានចូលរួមពីតំណាងក្រសួងស្ថាប័ន សភាពាណិជ្ជកម្ម និងក្រុមហ៊ុននិងសហគ្រាសឯកជននៃប្រទេសទាំងពីរជាច្រើនរូប៕