SME News

"Unlock business success with SME News!Advertise and connect with entrepreneurs & professionals. Elevate your brand visibility today!"

Contact Telegram

ប្រធានរដ្ឋឡាវ បានថ្វាយសត្វដំរីញីឈ្មោលមួយគូ ដល់ព្រះមហាក្សត្រខ្មែរ និងត្រូវដាក់ឱ្យរស់នៅសួនសត្វភ្នំតាម៉ៅ


ប្រធានរដ្ឋឡាវ បានថ្វាយសត្វដំរីញីឈ្មោលមួយគូ ដល់ព្រះមហាក្សត្រខ្មែរ និងត្រូវដាក់ឱ្យរស់នៅសួនសត្វភ្នំតាម៉ៅ
សង្គមជាតិ-សេដ្ឋកិច្ច

2024-05-14

គិត បុប្ផា

សង្គមជាតិ-សេដ្ឋកិច្ច

2024-05-14

គិត បុប្ផា

A+ A-

ភ្នំពេញ៖ ឯកឧត្តម Thongloun SISOULITH ប្រធានរដ្ឋនៃសាធារណរដ្ឋប្រជាធិបតេយ្យប្រជាមានិតឡាវ បានថ្វាយសត្វដំរី ញី និងឈ្មោល ចំនួនមួយគូ ដល់ព្រះករុណា ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា។ ដំរីទាំង២នេះ បានមកដល់កម្ពុជាកាលពីថ្ងៃទី១២ ខែឧសភា ឆ្នាំ២០២៤ និងបានរស់នៅក្នុងឧទ្យានសួនសត្វព្រៃការពារ និងសួនភូតគាមភ្នំតាម៉ៅ ស្ថិតនៅស្រុកបាទី ខេត្តតាកែវ។

ឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានលើកឡើងក្នុងពិធីប្រគល់-ទទួលសត្វដំរីថា ការផ្តល់សត្វដំរីឱ្យកម្ពុជានេះ ជាការបើកទំព័រចំណងមិត្តភាពល្អបន្ថែមទៀត ក្នុងការអភិរក្ស និងការពារសត្វព្រៃ សត្វដំរី ព្រមទាំងបន្តកិច្ចសហប្រតិបត្តិការឱ្យកាន់តែរឹងមាំ ពិសេសវិស័យកសិកម្ម។ ឯកឧត្តមរដ្ឋមន្ត្រីក្រសួងកសិកម្ម បានបញ្ជាក់បន្ថែមថា បច្ចុប្បន្ន សត្វដំរីត្រូវទទួលរងការគំរាមកំហែង ដូច្នេះ ចាំបាច់ត្រូវការពារ និងថែរក្សា ក្នុងនោះរដ្ឋាភិបាលកម្ពុជា បានបង្កើត និងលើកកម្ពស់សត្វដំរីព្រៃ ដោយការបង្កើតកម្មវិធីភ្លុកដំរី និងយុទ្ធសាស្ត្រនានាជាមួយដៃគូពាក់ព័ន្ធ។

គួរជម្រាបថា បន្ទាប់ពីទស្សនកិច្ចផ្លូវរដ្ឋ នៅកម្ពុជា កាលពីថ្ងៃទី២៣-២៤ ខែមេសា ឆ្នាំ២០២៤ ឯកឧត្តម Thongloun SISOULITH ប្រធានរដ្ឋនៃសាធារណរដ្ឋប្រជាធិបតេយ្យប្រជាមានិតឡាវ បានថ្វាយនូវតង្វាយសត្វដំរីចំនួនមួយគូរនេះ ដល់ព្រះមហាក្សត្រនៃព្រះរាជាណាចក្រកម្ពុជា ដើម្បីជាចំណងសាមគ្គីភាពរវាងរដ្ឋាភិបាល និងប្រជាជាតិទាំងពីរ។ ព្រះមហាក្សត្រ ទ្រង់សព្វព្រះរាជហឫទ័យ និងបានប្រោសព្រះរាជប្រទានជូនមករាជរដ្ឋាភិបាលកម្ពុជា ដើម្បីដឹកនាំចាត់ចែងចិញ្ចឹមថែរក្សាបន្ត នៅឧទ្យានសួនសត្វព្រៃការពារ និងសួនភូតគាម «ភ្នំតាម៉ៅ»៕




នាំមកជូនដោយ

ព័ត៌មានពេញនិយម

រដ្ឋមន្រ្តីការបរទេសចិនបង្ហាញជំនឿចិត្តចំពោះមុខ ស...

2023-09-11

SME News

កម្ពុជា រកចំណូលពីការនាំចេញស្រូវអង្ករជាង១ពាន់លាន...

តើ«សហគ្រិនភាពឌីជីថល»ជាអ្វី? ផ្តល់ប្រយោជន៍អ្វីខ្...

2024-03-26

SME News

សម្តេចធិបតី ហ៊ុន ម៉ាណែត ទស្សនាកំពង់ផែស្ងួត Than...

2023-09-13

SME News

ការចរចាប្រាក់ឈ្នួលកម្មករលើកទី៤ នៅមិនទាន់ឯកភាពគ្...

© រក្សា​រ​សិទ្ធ​គ្រប់យ៉ាងដោយ​ អង្គភាពសារព័ត៌មាន អេស.អ៊ឹម.អ៊ី