ភ្នំពេញ៖ សាជីវកម្មធានាឥណទានកម្ពុជា (CGCC) នឹងរៀបចំកម្មវិធីកសាងសមត្ថភាពសហគ្រិនរបស់សាជីវកម្មធានាឥណទានកម្ពុជា - Entrepreneurship Program Initiative of CGCC (EPIC) វគ្គទី១ នៃឆ្នាំ២០២៤ នៅថ្ងៃទី២៥ ខែឧសភា ឆ្នាំ២០២៥ ដែលស្ថិតនៅមជ្ឍមណ្ឌលអភិវឌ្ឍន៍ធុរកិច្ចជាន់ទី១៥។

CGCC ឱ្យដឹងនៅថ្ងៃទី០៣ ឧសភានេះថា កម្មវិធីកសាងសមត្ថភាពសហគ្រិនរបស់សាជីវកម្មធានាឥណទានកម្ពុជា នេះ គឺផ្តល់នូវការយល់ដឹងពីគន្លឹះក្នុងការរៀបចំផែនការអាជីវកម្ម ដើម្បីអភិវឌ្ឍន៍អាជីវកម្ម និងទទួលបានហិរញ្ញប្បទានផ្លូវការ, យល់ដឹងអំពីអត្ថប្រយោជន៍នៃការធានាឥណទាន ដើម្បីការអភិវឌ្ឍអាជីវកម្ម និងយល់ដឹងអំពីនីតិវិធីនៃការវាយតម្លៃកម្ចីរបស់ធនាគារ។

EPIC វគ្គទី១ នៃឆ្នាំ២០២៤នេះ នឹងផ្តោតលើប្រធានបទចំនួន៣ រួមមាន ៖ គន្លឹះក្នុងការរៀបចំផែនការអាជីវកម្ម និងយុទ្ធសាស្ត្រទទួលបានហិរញ្ញប្បទានផ្លូវការ, អត្ថប្រយោជន៍នៃកម្ចីដែលមានការធានាសម្រាប់ MSMEs និងផលិតផលឥណទានដែលមានការធានារបស់ធនាគារអេស៊ីលីដាសម្រាប់ MSMEs។ EPIC គឺជាកម្មវិធីកសាងសមត្ថភាពសហគ្រិនរបស់សាជីវកម្មធានាឥណទានកម្ពុជា (CGCC) ដែលផ្តោតលើការបណ្តុះបណ្តាលចំណេះដឹងហិរញ្ញវត្ថុ សហគ្រិនភាព និងការប្រើប្រាស់កម្ចីដែលមានការធានាប្រកបដោយប្រសិទ្ធភាព និងការទទួលខុសត្រូវ ដល់សហគ្រាសខ្នាតមីក្រូ តូច និងមធ្យម (MSMEs) នៅកម្ពុជា ។

កម្មវិធី EPIC វគ្គទី១ នៃឆ្នាំ២០២៤ ដែលរៀបចំដោយ CGCC និងធនាគារអេស៊ីលីដា នេះ ចាប់ផ្តើមទទួលពាក្យពីថ្ងៃទី០៣ ដល់ថ្ងៃទី១៥ ខែឧសភា ឆ្នាំ២០២៤។ ម្ចាស់អាជីវកម្ម និងសាធារណជន អាចចុះឈ្មោះតាមរយៈ https://forms.gle/fFiiVWPbsgs7fteR8 ឬអាចទាក់ទងតាមរយៈលេខទូរសព្ទ៖ ០១៦ ២៤២ ០៣៣/ ០៨៩ ៨៨៨ ១៨៧/ ០៨១ ៦៥៩ ០០៩៕