ភ្នំពេញ៖ ម្ចាស់រោងចក្រ សហគ្រាស គ្រឹះស្ថាន ក្រុមហ៊ុន អាចបង់ភាគទានប្រចាំខែ កាន់តែងាយស្រួលតាមរយៈធនាគារទាំង១០ ដែលជាដៃគូរបស់បេឡាជាតិសន្តិសុខសង្គម (ប.ស.ស)។ នេះបើតាមការចុះផ្សាយរបស់បេឡាជាតិសន្តិសុខសង្គម (ប.ស.ស) កាលពីថ្ងៃទី២៦ ខែមេសា ឆ្នាំ២០២៤។

បេឡាជាតិសន្តិសុខសង្គម (ប.ស.ស) បានឱ្យដឹងថា ម្ចាស់រោងចក្រ សហគ្រាស គ្រឹះស្ថាន ក្រុមហ៊ុន និងសាធារណជនទាំងអស់ អាចបង់ភាគទានមកកាន់ ប.ស.ស. បានតាមរយៈធនាគារដៃគូទាំង១០ ដែលបានចុះកិច្ចព្រមព្រៀងជាមួយ ប.ស.ស. ដូចមានភ្ជាប់នូវលេខគណនីធនាគារផ្លូវការ។

លេខគណនីរបស់ធនាគារផ្លូវការទាំង១០នេះ រួមមាន៖ ធនាគារអេស៊ីលីដា ០០០១ ១០៤៦៥៨៨៩ ១៨, កាណាឌីយ៉ា ០០១០ ០០៤៣ ៤៨៣៣៣, វីង ៩១១៩, អេប៊ីអេ ០០១២៥៦០៨៧, លីហួរវេលុយ ២២០០២, ជេត្រាស ៤៣៦៤១៨០, វឌ្ឍនៈ ០៥០០ ១៥០០០០០៣ ១៥, ភីភីស៊ី ១១១០ ០០០១ ២៣៧២៤, អែហ្វធីប៊ី ១០០០ ១២២៤៥៩៥៧ និងធនាគារអេសប៊ីអាយអលអេជ ០០០១១៤៨៩៨។

បេឡាជាតិសន្តិសុខសង្គម (ប.ស.ស) បានបញ្ជាក់ថា សាធារណៈជនទាំងអស់ ត្រូវផ្ទៀងផ្ទាត់ឱ្យបានច្បាស់លាស់មុននឹងចុចបង់ភាគទានមកកាន់ ប.ស.ស. បើសិនក្រៅពីលេខគណនីខាងលើ នោះ ប.ស.ស. មិនទទួលខុសត្រូវឡើយ។ សម្រាប់ព័ត៌មានបន្ថែម សាធារណជនអាចទំនាក់ទំនងមកកាន់លេខ ១២៨៦ ឬ ១២៩៧ ឬតាមរយៈបណ្តាញសង្គមរបស់ ប.ស.ស.៕