ភ្នំពេញ៖ ឧក្រិដ្ឋជនតាមអ៊ីនធឺណិត ឬ Cybercriminals គឺប្រើកុំព្យូទ័រ និងអ៊ិនធឺណិតដើម្បីប្រព្រឹត្តបទឧក្រិដ្ឋ នឹងមានគោលដៅបំផ្លិចបំផ្លាញ រកប្រាក់ បង្កចលាចល នយោបាយ ឬសម្រេចគោលបំណង ផ្សេងទៀត ដែលក្នុងនោះពួកវាអាចប្រើមេរោគ (Malware), ក្លែងបន្លំ(Phishing), ការលួចពាក្យសម្ងាត់ (Brute Force Attacks) ឬបច្ចេកទេសលួចផ្សេងទៀត ដើម្បីសម្រេចបទឧក្រិដ្ឋ។

បើតាមកម្ពុជាឆ្ពោះទៅឌីជីថល ប្រភេទនៃឧក្រិដ្ឋកម្មតាមអ៊ីនធឺណិត ដែលមួយចំនួនបានដំណើរការ និង រំខានដល់សុវត្ថិភាពនៃអ្នកប្រើប្រាស់អ៊ិនធឺណិតសព្វថ្ងៃ ដូចជា៖ ការវាយប្រហារមេរោគ (Malware attacks), ការក្លែងបន្លំតាមអ៊ីនធឺណិត (Online fraud), ការលួចហិរញ្ញវត្ថុ (Financial theft), ការលួចអត្តសញ្ញាណ ( Identity theft)។

សង្គ្រាមតាមអ៊ីនធឺណិត និងចារកម្មតាមអ៊ីនធឺណិត (Cyberwarfare and cyberespionage), ការបោកប្រាស់រូបិយប័ណ្ណគ្រីបតូ (Cryptocurrency scans), ការទាញយក លក់ ឬចែកចាយរបស់ និងខ្លឹមសារខុសច្បាប់ (Downloading, selling or distributing illegal items and content) និងការតាមដានតាមអ៊ីនធឺណិត (cyberstalking)៕