ភ្នំពេញ៖ ក្រុមហ៊ុនកម្ពុជា និងចិន ប្រមាណ៤០ ពិភាក្សាគ្នាស្វែងរកឱកាសវិនិយោគទៅលើវិស័យ ថាមពល សំណង់ រោងចក្រ អចលនទ្រព្យ និងវិស័យដឹកជញ្ជូន។ នេះបើតាមការចុះផ្សាយរបស់ សភាពាណិជ្ជកម្មកម្ពុជា នាថ្ងៃទី២៧ ខែឧសភា ឆ្នាំ២០២៥។

ក្នុងជំនួប ដែលដឹកនាំដោយ អ្នកឧកញ៉ា បណ្ឌិត វិញ ហួរ អនុប្រធានសភាពាណិជ្ជកម្មកម្ពុជា តំណាង អ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា និងជាប្រធានក្រុមប្រឹក្សាពិគ្រោះយោបល់ធុរកិច្ចអាស៊ានសម្រាប់កម្ពុជា ជាមួយលោក Ji Lin ប្រធានសភាពាណិជ្ជកម្មអន្តរជាតិចិន និងគណៈប្រតិភូ ក្រុមហ៊ុនប្រមាណ៤០ ខាងលើ ត្រូវបានទទួលឱកាសចាប់ដៃគូសហការក្នុងការវិនិយោគរួមគ្នា៕