ភ្នំពេញ៖ អង្គការសកម្មភាពដើម្បីអភិវឌ្ឍន៍ (AFD) រៀបចំយុទ្ធនាការប្រមូលគ្រាប់ត្នោតចំនួន ២ម៉ឺនគ្រាប់ ដើម្បីដាំក្នុងសហគមន៍ព្រៃឈើចំនួន៣ នៅក្នុងខេត្តកំពង់ធំ និងខេត្តព្រះវិហារ ចាប់ផ្ដើមពីខែមេសា រហូតដល់ខែមិថុនា។ នេះបើតាមការចុះផ្សាយរបស់ អង្គការAFD នាថ្ងៃទី២១ ខែមេសា ឆ្នាំ២០២៤។

យុទ្ធនាការប្រមូលគ្រាប់ត្នោតចំនួន ២ម៉ឺនគ្រាប់នេះ ធ្វើឡើងដើម្បីប្រមូលគ្រាប់ត្នោតមកដាំតាមព្រំប្រទល់ព្រៃសហគមន៍ និងបង្កើនពហុប្រយោជន៍ក្នុងសហគមន៍ទាំងជីវៈចម្រុះ សេដ្ឋកិច្ច សង្គម ការប្រែប្រួលអាកាសធាតុ និងជាសកម្មភាពដ៏ល្អក្នុងការចូលរួមជួយដល់ការបង្កើនសុវត្ថិភាពដល់ព្រៃសហគមន៍។

យុទ្ធនាការប្រមូលគ្រាប់ត្នោតចំនួន ២ម៉ឺនគ្រាប់ ដើម្បីដាំក្នុងសហគមន៍ព្រៃឈើចំនួន៣ នៅក្នុងខេត្តកំពង់ធំ និងខេត្តព្រះវិហារនេះ រួមមាន៖ សហគមន៍ព្រៃឈើអូរសោម សហគមន៍ព្រៃឈើភ្នំដែកចំបក់ហោះ និងសហគមន៍សាមគ្គីត្រពាំងទឹម។ អង្គការសកម្មភាពដើម្បីអភិវឌ្ឍន៍ បានអំពាវនាវដល់សាធារណជន សមាជិកសហគមន៍ព្រៃឈើទាំងអស់ ចូលរួមយុទ្ធនាការប្រមូលគ្រាប់ត្នោតចំនួន ២ម៉ឺនគ្រាប់ ដើម្បីយកមកដាំតាមព្រំប្រទល់ព្រៃសហគមន៍៕