ភ្នំពេញ៖ ឯកឧត្តមឧបនាយករដ្ឋមន្ត្រី សាយ សំអាល់ រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ បានបង្ហោះរូបភាពមួយចំនួនតាមទំព័រហ្វេសប៊ុកអំពី«គម្រោងរៀបចំហេដ្ឋារចនាសម្ព័ន្ធ និងកែលម្អស្ទឹងព្រែកត្នោត ក្រុងច្បារមន» នាថ្ងៃទី០៤ ខែមេសា ឆ្នាំ២០២៤នេះ។

ការសិក្សាពីគម្រោងរៀបចំហេដ្ឋារចនាសម្ព័ន្ធ និងកែលម្អស្ទឹងព្រែកត្នោត ក្រុងច្បារមន ខេត្តកំពង់ស្ពឺ កាលពីពេលថ្មីៗនេះ ឯកឧត្តម វ៉ី សំណាង អភិបាលខេត្តកំពង់ស្ពឺ បានលើកឡើងថា រដ្ឋបាលខេត្ត នឹងស្ថាបនា និងលើកសោភ័ណភាពផ្លូវអមស្ទឹងព្រែកត្នោត ចាប់ពីស្ពានធ្នួសហ្លួងទៅដល់ស្ពានអំពែភ្នំ ដែលមានប្រវែង៩គីឡូម៉ែត្រ។

បើតាមរូបភាពមួយចំនួន នៃគម្រោងរៀបចំហេដ្ឋារចនាសម្ព័ន្ធនេះ មានសួនច្បារអាចអង្គុយលេងស្រូបយកខ្យល់អាកាស កន្លែងក្មេងលេង និងកន្លែងហាត់ប្រាណតាមដងព្រែក។ល៕