ភ្នំពេញ៖ ក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ ត្រៀមខ្លួនសហការ និងគាំទ្រក្រុមហ៊ុន ប៉េប៉េអឹម ហ្វាម៉ា និង ខនហ្វីរេល លើការងារសំខាន់ៗ ដូចជាការចុះបញ្ជីផលិតផល ការវាយតម្លៃទទួលស្គាល់មន្ទីរពិសោធន៍ និងការអភិវឌ្ឍស្តង់ដា រួមទាំងការស្រាវ​ជ្រាវ និងអភិវឌ្ឍន៍រួមគ្នា រវាងក្រុមហ៊ុន សាកលវិទ្យាល័យ និងវិទ្យាស្ថានជាតិវិទ្យាសាស្ត្រ បច្ចេកវិទ្យា និងនវានុវត្តន៍។ នេះបើតាមការលើកឡើងរបស់ឯកឧត្តម ហែម វណ្ណឌី រដ្ឋមន្ត្រីក្រសួងឧស្សាហកម្ម ដែលបានអញ្ជើញចុះទស្សនកិច្ចខ្សែច្រវាក់ផលិតកមុ្មរបស់ក្រុមហ៊ុនក្នុងរាជធានីភ្នំពេញ។

ជាមួយគ្នានេះ ឯកឧត្តម ហែម វណ្ណឌី បានលើកទឹកចិត្តឱ្យក្រុមហ៊ុន ចែករំលែកភាពជោគជ័យរបស់ខ្លួនជាមួយធុរកិច្ចថ្មី និង​សហគ្រាស​ធុនតូចនិងមធ្យមផ្សេងទៀត ដើម្បីពង្រឹងខ្សែច្រវាក់ផ្គត់ផ្គង់ក្នុងស្រុក និងពង្រីក​សក្តានុ​ពល ដោយចាប់យកបច្ចេកវិទ្យានិងគ្រឿងម៉ាស៊ីនថ្មីៗ ការលើកកម្ពស់ផលិតភាព និងកិច្ចសហការ​កាន់​តែរឹងមាំ។ 

ក្នុងដំណើរទស្សនកិច្ចនេះ ឧកញ៉ា វេជ្ជបណ្ឌិត ហៃ លីអ៊ាង ស្ថាបនិក និងជាអគ្គនាយកក្រុមហ៊ុន

ទាំងពីរ បានលើកឡើងថា ក្រុមហ៊ុនកំពុងនាំចេញផលិតផលទៅកាន់ទីផ្សារ

ដែលមានអ្នកប្រើប្រាស់សរុបជាង ៥០០លាននាក់ រួមទាំងសហរដ្ឋអាម៉េរិក សហភាពអឺរ៉ុប កាណាដា និងទីផ្សារអាស៊ី៕