ភ្នំពេញ៖ នាវាទេសចរណ៍ឈ្មោះ SEVEN SEAS EXPLORER សញ្ជាតិ MARSHALL Island ដឹកភ្ញៀវទេសចរចំនួន ៧៣០នាក់ ដែលមាន ២៤សញ្ជាតិ និងនាវិកចំនួន ៥៤៦នាក់ មាន ៤០សញ្ជាតិ ចូលចតនៅកំពង់ផែស្វយ័តក្រុងព្រះសីហនុដោយសុវត្ថិភាព។

ក្រោមការចង្អុលបង្ហាញពី ឯកឧត្តម ហួត ហាក់ រដ្ឋមន្ត្រីក្រសួងទេសចរណ៍ មន្ទីរទេសចរណ៍ខេត្តព្រះសីហនុ ទទួលស្វាគមន៍យ៉ាងកក់ក្តៅដល់ភ្ញៀវទេសចរ ចុះពីលើនាវាទេសចរណ៍ ដែលមានបណ្ដោយប្រវែង២២៣.៧៤ម៉ែត្រ និងទទឹងប្រវែង៣១ម៉ែត្រ ជម្រៅ៧ម៉ែត្រ ដោយណែនាំអំពីតំបន់សក្តានុពលទេសចរណ៍សំខាន់ៗរបស់ខេត្តព្រះសីហនុ ជូនភ្ញៀវបានយ៉ាងល្អប្រសើរ។ នេះបើតាមក្រសួងទេសចរណ៍ កាលពីថ្ងៃទី២០ ខែកុម្ភៈ ឆ្នាំ២០២៦៕