ភ្នំពេញ៖ កាលពីចុងខែមករា Google បានប្រកាសពីការនាំយកមុខងារ Gemini AI បន្ថែមទៀតទៅកាន់ Chrome Browser របស់ខ្លួន។ មុខងារដែលដំណើរការដោយ Gemini រួមមាន ឧបករណ៍បង្កើតរូបភាព Nano Banana, មុខងារ Personal Intelligence របស់ Google និង Auto browse ដែលជាឧបករណ៍ Agentic AI អនុញ្ញាតឱ្យអ្នកប្រើប្រាស់បញ្ជា Browser អនុវត្តកិច្ចការផ្សេងៗនៅទូទាំងគេហទំព័រជាមួយ Prompt តែមួយ។

Google ក៏កំពុងណែនាំការរចនា Chrome ថ្មី ដែលរួមបញ្ចូល Panel មួយនៅខាងស្តាំនៃ Browser ដែលធ្វើឱ្យ Gemini Chatbot អាចប្រើបាននៅពេលដែលអ្នកប្រើប្រាស់ចូលទៅកាន់ Browser។ ការនាំយកមុខងារបន្ថែមទៀតនេះ គឺជាជំហានចុងក្រោយបំផុតដែល Google បានអនុវត្ត ដើម្បីកែលម្អ Browser របស់ខ្លួនជាមួយនឹងមុខងារ AI។ នេះជាគន្លឹះរបស់ក្រុមហ៊ុន សម្រាប់ប្រកួតប្រជែងជាមួយក្រុមហ៊ុនដូចជា OpenAI ដែលជាអ្នកបង្កើត ChatGPT និងអ្នកអភិវឌ្ឍន៍ Claude Anthropic ដោយសារតែ Browser គឺជាកន្លែងចម្បងសម្រាប់អ្នកប្រើប្រាស់ ដើម្បីធ្វើអន្តរកម្មជាមួយសេវាកម្ម AI៕