ភ្នំពេញ៖ សហព័ន្ធសហករណ៍អាល្លឺម៉ង់ (DGRV) បានបង្ហាញការចាប់អារម្មណ៍យ៉ាងពិសេសលើ «សហគមន៍កសិកម្មទំនើប» ដែលជាកម្មវិធីគោលនយោបាយអាទិភាពរបស់រាជរដ្ឋាភិបាល និងបានបង្ហាញឆន្ទៈក្នុងការចូលរួមគាំទ្រដល់ដំណើរការអនុវត្តកម្មវិធីគោលនយោបាយដ៏មានសារសំខាន់នេះផងដែរ។

ក្នុងជំនួបជាមួយតំណាងក្រសួងសហព័ន្ធអាល្លឺម៉ង់សម្រាប់កិច្ចសហប្រតិបត្តិការសេដ្ឋកិច្ច និងការអភិវឌ្ឍ (BMZ) សហព័ន្ធសហករណ៍អាល្លឺម៉ង់ (DGRV) និងឯកឧត្តម ឃឹម ហ្វីណង់ អ្នក​ពាក្យក្រសួង​កសិកម្ម រុក្ខាប្រមាញ់ និងនេសាទ ដើម្បីពិនិត្យលទ្ធភាពនៃកិច្ចសហប្រតិបត្តិការបន្ថែមលើការងារសហគមន៍កសិកម្ម។

ឯកឧត្តម ឃឹម ហ្វីណង់ បានបញ្ជាក់ថា អង្គការ DGRV គឺជាដៃគូដ៏សំខាន់ដែលបានសហការយ៉ាងជិតស្និទ្ធជាមួយក្រសួងកសិកម្មកន្លងមក ទាំងក្នុងការរៀបចំច្បាប់ស្តីពីសហគមន៍កសិកម្ម និងការគាំទ្រដល់សម្ព័ន្ធសហគមន៍កសិកម្មកម្ពុជា៕