ភ្នំពេញ៖ ក្រុមហ៊ុនផ្តល់សេវាកម្មទេសចរណ៍ឈ្មោះ Suzhou Heping International Travel Service Co., Ltd ស្វែងយល់ពីស្ថានភាពពិតពីនយោបាយ សន្តិសុខ សង្គម និងកាលានុវត្តភាពវិនិយោគ សក្តានុពលទេសចរណ៍កម្ពុជា។

នាឱកាស ឯកឧត្តម ហួត ហាក់ រដ្ឋមន្រ្តីក្រសួងទេសចរណ៍ ដឹកនាំគណៈប្រតិភូជាន់ខ្ពស់ក្រសួងទេសចរណ៍ និងវិស័យឯកជនកម្ពុជា ចូលរួមព្រឹត្តិការណ៍អន្តរជាតិជំរុញទេសចរណ៍ «ពិព័រណ៍វប្បធម៌ និងឧស្សាហកម្មការរចនាបែបច្នៃប្រឌិតស៊ូចូវ លើកទី១៤» និង «ពិធីបុណ្យកម្ពុជា» នៅទីក្រុងស៊ូចូវ ខេត្តជាំងស៊ូ ប្រធានក្រុមហ៊ុនផ្តល់សេវាកម្មទេសចរណ៍ខាងលើ ក៏បានចូលរួមកិច្ចពិភាក្សាជាមួយឯកឧត្តម ដើម្បីស្វែងយល់ពីយន្តការទាក់ទាញ និងការលើកទឹកចិត្តដល់វិនិយោគិនបរទេស ដែលដាក់ចេញដោយរាជរដ្ឋាភិបាល ជាពិសេសពន្លាទេសចរណ៏ដ៏ស្រស់ស្អាត និងទាក់ទាញរបស់កម្ពុជា៕