ភ្នំពេញ៖ ក្នុង«វេទិការដ្ឋាភិបាលឌីជីថល (Digital Government Forum)» លើកទី១ ឆ្នាំ២០២៤ នាព្រឹកថ្ងៃទី១១ មីនា នេះ កម្ពុជា បានចុះហត្ថលេខាលើអនុស្សរណៈនៃការយោគយល់ចំនួន ៤ ជាមួយនឹង UNDP, ប្រទេសឡាវ និងប្រទេសកូរ៉េខាងត្បូង ក្រោមវត្តមានសម្តេចធិបតីនាយករដ្ឋមន្ត្រី ហ៊ុន ម៉ាណែត បន្ទាប់ពីថ្លែងបើកវេទិការដ្ឋាភិបាលឌីជីថលរួច។

អនុស្សរណៈនៃការយោគយល់ទី១. ស្តីពី«បរិវត្តកម្មឌីជីថលរវាងក្រសួងប្រៃសណីយ៍ និងទូរគមនាគមន៍របស់កម្ពុជា ជាមួយនឹងក្រសួងបច្ចេកវិទ្យា និងទូរគមនាគមន៍របស់ឡាវ។ ទី២. ការអនុស្សរណៈនៃការយោគយល់ស្តីពី«បរិវត្តកម្មឌីជីថលរវាងក្រសួងប្រៃសណីយ៍ និងទូរគមនាគមន៍របស់កម្ពុជា ជាមួយនឹង កម្មវិធីអភិវឌ្ឍន៍សហប្រជាជាតិ (UNDP)។ 

ចំពោះ អនុស្សរណៈនៃការយោគយល់ទី២ គឺស្តីពី«មជ្ឈមណ្ឌលសហប្រតិបតិការរដ្ឋាភិបាលឌីជីថលរវាងក្រសួងប្រៃសណីយ៍ និងទូរគមនាគមន៍របស់កម្ពុជា ជាមួយនឹងក្រសួងមហាផ្ទៃ និងសន្តិសុខរបស់សាធារណរដ្ឋកូរ៉េ» ខណៈដែលអនុស្សរណៈនៃការយោគយល់ទី៤ គឺស្តីពី«មជ្ឈមណ្ឌលបច្ចេកវិទ្យាឌីជីថលរវាងក្រសួងប្រៃសណីយ៍ និងទូរគមនាគមន៍របស់កម្ពុជា ជាមួយនឹងទីភ្នាក់ងារសង្គមព័ត៌មានជាតិកូរ៉េ (NIA)»៕