ភ្នំពេញ៖ ក្រុមហ៊ុន Saigontourist Group របស់វៀតណាម នឹងមកទស្សនកិច្ចស្វែងយល់ពីសក្តានុពលទេសចរណ៍របស់កម្ពុជា ដើម្បីសិក្សាជាមួយវិស័យឯកជនរៀបចំបង្កើតកញ្ចប់ទេសចរណ៍រួមគ្នា (Joint Tour Packages) ថ្មីបន្ថែម ដែលមានលក្ខណៈទាក់ទាញ និងច្នៃប្រឌិត ជាពិសេសមានលក្ខណៈប្រកួតប្រជែង។ នេះបើតាមការចុះផ្សាយរបស់ក្រសួងទេសចរណ៍ នាថ្ងៃទី៤ ខែកញ្ញា ឆ្នាំ២០២៥។

លោក Pham Huy Bình ប្រធានក្រុមហ៊ុន Saigontourist Group បញ្ជាក់ក្នុងជំនួបជាមួយ ឯកឧត្តម ហួត ហាក់ រដ្ឋមន្ត្រីក្រសួងទេសចរណ៍ ថា ការរៀបចំបង្កើតកញ្ចប់ទេសចរណ៍រួមគ្នានេះ គឺដើម្បីជួយសហការផ្សព្វផ្សាយទេសចរណ៍កម្ពុជា ឱ្យបានទូលំទូលាយប្រកបដោយប្រសិទ្ធិភាពដល់ភ្ញៀវទេសចរវៀតណាម និងមកពីប្រទេសទីបី។

ឯកឧត្តម ហួត ហាក់ ក៏បានស្នើឱ្យ លោក Pham Huy Bình ជួយផ្សព្វផ្សាយ និងទប់ស្កាត់នូវព័ត៌មានក្លែងក្លាយពីកម្ពុជា ដែលអាចជះឥទ្ធិពលមិនល្អពីកម្ពុជា ដូចជាវិស័យទេសចរណ៍ និងទំនាក់ទំនងរវាងប្រទេសម្ពុជា និងពិភពលោក។ ជាមួយគ្នានេះ លោក Pham Huy Bình ក៏បានស្នើឱ្យ ប្រធានក្រុមហ៊ុន Saigontourist Group សម្របសម្រួលដល់ដំណើរកម្សាន្ត FAM Trip មកកាន់កម្ពុជា ដើម្បីស្វែងយល់ពីសក្តានុពលទេសចរណ៍របស់កម្ពុជា៕