ភ្នំពេញ៖ ក្រសួងការពារជាតិ អំពាវនាវដល់អ្នកប្រើប្រាស់បណ្ដាញសង្គមហ្វេសប៊ុកនិងទិកតុកទាំងអស់ កុំបង្កើតគណនីហ្វេសប៊ុកនិងទិកតុកដោយប្រើប្រាស់ឈ្មោះ និងឡូហ្គូ(Logo) ដូចគណនីផ្លូវការ របស់ក្រសួងការពារជាតិ ដើម្បីបញ្ចៀសការភាន់ច្រឡំពីសាធារណជន ដែលអាចទទួលព័ត៌មានមិនត្រឹមត្រូវ និងគ្មានប្រភពច្បាស់លាស់។ នេះបើតាមការចុះផ្សាយរបស់ក្រសួងការពារជាតិ នាថ្ងៃទី១៥ ខែសីហា ឆ្នាំ២០២៥។

ជាមួយគ្នានេះ ក្រសួងការពារជាតិ បានបញ្ជាក់ថា គណនីផ្លូវការ និងគណនីក្លែងក្លាយនៅលើបណ្ដាញសង្គមហ្វេសប៊ុក(Facebook) និងទិកតុក(Tiktok) មានគូសបញ្ជាក់ដូចក្នុងរូបភាពខាងក្រោម។ ក្រសួងការពារជាតិ ក៏អំពាវនាវដល់ប្រជាពលរដ្ឋ និងសាធារណជន ត្រូវត្រួតពិនិត្យប្រភពព័ត៌មានពិតប្រាកដពីគណនីផ្លូវការ របស់ក្រសួងការពារជាតិផងដែរ៕