ភ្នំពេញ៖ រដ្ឋមន្ត្រីព័ត៌មានឯកឧត្តម នេត្រ ភក្ត្រា នាអំឡុងពេលចុះបំពេញបេសកម្មនៅខេត្តក្រចេះ បានឆ្លៀតឱកាសនេះ ចុះពិនិត្យមើលសកម្មភាពរបស់អាជីវកម្មនៅក្រុងក្រចេះ ដែលមមាញឹកក្នុងការប្រកបរបរចិញ្ចឹមជីវិត។ ឯកឧត្តមព័ត៌មាន បានចែករំលែកអំពីទិដ្ឋភាពនាព្រឹកព្រលឹមស្រាង ថ្ងៃទី២៤ ខែកុម្ភៈ ឆ្នាំ២០២៤នេះ អមជាមួយនឹងរូបភាពអាជីវករកំពុងលក់ដូរបន្លែបង្ការត្រីសាច់នៅទីនោះ ដោយអ្នកខ្លះបានទិញសម្រាប់ទទួលទានប្រចាំថ្ងៃ និងខ្លះទៀតបានទិញដើម្បីយកទៅលក់បន្តនៅភូមិស្រុករបស់ខ្លួន៕