ភ្នំពេញ៖ សាជីវកម្មធានាឥណទានកម្ពុជា (CGCC) ពង្រីកមុខងារបន្ថែមលើប្រព័ន្ធគ្រប់គ្រងការធានាឥណទាន (GMS) ចំនួន២ គឺមុខងារកែសម្រួលលើសំណើសុំការធានាឥណទាន (Modification of Guarantee Application Feature) និងមុខងារយល់ព្រមលើលិខិតធានាឥណទាន (Letter of Acceptance Feature)។

បើតាមការចុះផ្សាយរបស់ CGCC នាថ្ងៃទី៥ ខែសីហា ឆ្នាំ២០២៥ មុខងារកែសម្រួលលើសំណើសុំការធានាឥណទាន នឹងអនុញ្ញាតឱ្យ CGCC អាចស្នើកែប្រែលើលក្ខខណ្ឌមួយចំនួន ដូចជាវិសាលភាពនៃការធានាកម្រៃនៃការធានា និងរយៈពេលនៃការធានា ដោយមានការយល់ព្រមពី PFIs មុនការអនុម័ត នៃការធានារបស់ CGCC។ ចំពោះមុខងារយល់ព្រមលើលិខិតធានាឥណទានវិញ នឹងអនុញ្ញាតដល់គ្រឹះស្ថានហិរញ្ញវត្ថុចូលរួម (PFIs) ពិនិត្យ និងឯកភាពលើលិខិតធានាឥណទាន មុនពេលដែល CGCC ចេញលិខិតធានាឥណទានជាផ្លូវការដល់ PFIs៕