ភ្នំពេញ៖ លោកជំទាវ ឌិត នីតា មកពីគ្រឹះស្ថាន ខេមា មីក្រូហិរញ្ញវត្ថុ លីមីតធីត ត្រូវបានបោះឆ្នោតជ្រើសរើសជាប្រធានក្រុមប្រឹក្សាភិបាលសមាគមមីក្រូហិរញ្ញវត្ថុកម្ពុជា(CMA) សម្រាប់អាណត្តិឆ្នាំ២០២៤-២០២៥។ នេះបើតាមសេចក្តីប្រកាសព័ត៌មានរបស់សមាគមមីក្រូហិរញ្ញវត្ថុកម្ពុជា (CMA) ដែលបាន បង្ហាញពីលទ្ធផល នៃការបោះឆ្នោតជ្រើសរើសប្រធានក្រុមប្រឹក្សាភិបាល កាលពីថ្ងៃទី១៦ ខែកុម្ភៈ ឆ្នាំ២០២៤នេះ។ 

សេចក្តីប្រកាសព័ត៌មានរបស់ CMA ការបោះឆ្នោតដែលមានសមាជិកចូលរួមជាង១០០គ្រឹះស្ថាន ធ្វើឡើងក្នុងមហាសន្និបាតប្រចាំឆ្នាំ២០២៤ របស់ CMA នេះ លោក សុខ វឿន មកពីគ្រឹះស្ថាន អិលអូអិលស៊ី (ខេមបូឌា) ភីអិលស៊ី ជាប់ជាអនុប្រធានក្រុមប្រឹក្សាភិបាលសមាគម ព្រមទាំងសមាជិកចំនួន១១រូបផ្សេងទៀត។

សមាជិកក្រុមប្រឹក្សាភិបាលទាំង១១រូបនោះ រួមមាន៖ ឧកញ៉ា ឈុន សុភ័ក្រ្ត មកពីគ្រឹះស្ថានមីក្រូហិរញ្ញវត្ថុ មហានគរ ម.ក, លោក ដូស ឌីន មកពីគ្រឹះស្ថានមីក្រូហិរញ្ញវត្ថុ អម្រឹត, ឧកញ៉ា ហួត អៀងតុង មកពីធនាគារ ហត្ថា ម.ក, លោក គា បូរាណ មកពីគ្រឹះស្ថានមីក្រូហិរញ្ញវត្ថុ អេអឹមខេ ភីអិលស៊ី, លោក ឃូ ប៊ុនទ្រី មកពីគ្រឹះស្ថានមីក្រូហិរញ្ញវត្ថុ ហ្វូណន ភីអិលស៊ី។

កញ្ញា ឃុន សុនីតា មកពីគ្រឹះស្ថានមីក្រូហិរញ្ញវត្ថុ វ៉ាយ ស៊ី ភី, លោក ប៉ា ប៉ុណ្ណរិទ្ធី មកពីគ្រឹះស្ថានមីក្រូហិរញ្ញវត្ថុ ម៉ាក់ស៊ីម៉ា ភីអិលស៊ី, លោក ស៊ីម សេនាជាតិ មកពីគ្រឹះស្ថានមីក្រូហិរញ្ញវត្ថុ ហ្វឺសហ្វាយនែន ភីអិលស៊ី, លោក Yannick Nicolas MILEV មកពីគ្រឹះស្ថានមីក្រូហិរញ្ញវត្ថុ ចម្រើន ម.ក, លោក ឌី ស៊ីថា តំណាងឱ្យគ្រឹះស្ថានឥណទានជនបទ មកពីក្រុមហ៊ុន ដៃគូ ហ្វាយនែន ភីអិលស៊ី និងលោក ខេង ទីឡែន មកពីក្រុមហ៊ុន ប៊ីអេសភី ហ្វាយនែន (ខេមបូឌា) ម.ក៕