ភ្នំពេញ៖ លោកជំទាវ ជា សិរី ទេសាភិបាលធនាគារជាតិ នៃកម្ពុជា បានលើកឡើងថា ធនាគារជាតិ នៃកម្ពុជា បានស្វែងរកយន្តការ ដើម្បីជួយសម្រាលបន្ទុកដល់ប្រជាពលរដ្ឋខ្មែរ ដែលប៉ះពាល់ដោយផ្ទាល់ និងដោយប្រយោល ដោយសារជម្លោះព្រំដែនកម្ពុជា-ថៃ។ នេះបើតាមការចុះផ្សាយរបស់លោកជំទាវ ជា សិរី។

ជាមួយគ្នានេះ លោកជំទាវ ជា សិរី បានលើកឡើងថា៖ «ក្នុងពេលដែលយោធិនជួរមុខកំពុងប្រយុទ្ធការពារបូរណៈភាពទឹកដី យើងខ្ញុំជួរក្រោយខិតខំតាមលទ្ធភាព ដើម្បីរក្សាស្ថិរភាពប្រព័ន្ធធនាគាររួមចំណែកជំរុញកំណើនសេដ្ឋកិច្ច ក្នុងន័យនេះ ធនាគារជាតិ បានធ្វើសន្និបាតបូកសរុប ដើម្បីស្វែងយល់អំពីស្ថានភាពសេដ្ឋកិច្ចនិងហិរញ្ញវត្ថុក្នុងឆមាសទី១ និងដាក់ទិសដៅការងារសម្រាប់ឆមាសទី២ ក្នុងស្ថានភាពមិនប្រាកដប្រជានេះផងដែរ»៕