ភ្នំពេញ៖ សម្តេចធិបតី ហ៊ុន ម៉ាណែត នាយករដ្ឋមន្ត្រី ណែនាំឱ្យគណៈកម្មការជាតិគ្រប់គ្រងគ្រោះមហន្តរាយ សហការជាមួយក្រសួងស្ថាប័នពាក់ព័ន្ធ រដ្ឋបាលខេត្តពាក់ព័ន្ធ រៀបចំទួលសុវត្ថិភាព ការហូបចុក និងផ្នែកសុខាភិបាល ជូនបងប្អូនប្រជាពលរដ្ឋជាជនភៀសសឹក ដែលត្រូវជន្លាសចេញពីតំបន់ប្រយុទ្ធគ្នា។ ទន្ទឹមនឹងនេះសម្តេចធិបតេ ជំរុញឱ្យ ក្រសួងសេដ្ឋកិច្ចហិរញ្ញវត្ថុ សហការជាមួយ ក្រសួងសុខាភិបាល ដោះស្រាយតាមដំណើរការជាក់ស្ដែង ធ្វើយ៉ាងណាយកចិត្តទុកដាក់ ជូនបងប្អូនប្រជាពលរដ្ឋ ។

ដោយឡែកចំពោះការវិលត្រឡប់ក្នុងទ្រង់ទ្រាយធំ របស់បងប្អូនពលករខ្មែរពីប្រទេសថៃ និងជនភៀសសឹក រាជរដ្ឋាភិបាល បានចាត់វិធានការចាំបាច់ជាបន្តបន្ទាប់ចាប់តាំងពីថ្ងៃផ្ទុះអាវុធ កាលពីថ្ងៃទី២៤ កក្កដា ដោយសម្តេចធិបតី ហ៊ុន ម៉ាណែត ណែនាំឱ្យក្រសួងស្ថាប័នពាក់ព័ន្ធ កងកម្លាំងប្រដាប់អាវុធគ្រប់ប្រភេទ និងរដ្ឋបាលខេត្តជាប់ព្រំដែនថៃទាំង៧ សម្របសម្រួលការឆ្លងកាត់ព្រំដែន និងសុំចតបណ្ដោះអាសន្នរបស់បងប្អូននៅតំបន់ព្រំដែនតាមការចាំបាច់។

ដំណាក់កាលលំបាកនេះ សម្តេចធិបតីនាយករដ្ឋមន្ត្រី ណែនាំឱ្យ ក្រសួងការពារជាតិ កងទ័ពជើងគោក សាលារាជធានីភ្នំពេញ សហការជាមួយបណ្ដាខេត្តជាប់ព្រំដែនកម្ពុជា-ថៃ រៀបរថយន្តដើម្បីដឹកជញ្ជូនបងប្អូនពីព្រំដែន ត្រឡប់ទៅស្រុកកំណើត ហើយរដ្ឋបាលរាជធានី-ខេត្ត ក្រុមការងារថ្នាក់ជាតិចុះជួយបណ្ដាលរាជធានី-ខេត្ត សហការដើម្បីជួយសម្របសម្រួលក្នុងការទទួលបងប្អូនប្រជាពលរដ្ឋដែលវិលត្រឡប់មកពីប្រទេសថៃនៅតាមភូមិសាស្ត្រទទួលខុសត្រូវរបស់ខ្លួន៕