ភ្នំពេញ៖ «សម្រាប់ខែនេះ សហគមន៍កសិកម្មទំនើបបន្លែផ្ទះសំណាញ់ត្រាំកក់ ទទួលបានប្រាក់ចំណេញល្អប្រសើរជាងខែកន្លងមក និងល្អជាងប្រជាកសិករ នៅក្រៅសហគមន៍ ដោយសារសហគមន៍ អាចធានាតម្លៃតាមកិច្ចសន្យាក្នុងកម្រិតសមរម្យ ស្របពេលបន្លែនៅលើទីផ្សារទូទៅ មានការប្រែប្រួលឡើងចុះខ្លាំង។ នេះបើតាមប្រសាសន៍របស់ ឯកឧត្តម ឃឹម ហ្វីណង់ អនុរដ្ឋលេខាធិការ និងជាអ្នកនាំពាក្យ ក្រសួងកសិកម្មរុក្ខាប្រមាញ់ និងនេសាទ។

នាឱកាសដឹកនាំកិច្ចប្រជុំ បែងចែកភាគលាភរបស់សហគមន៍កសិកម្មទំនើបបន្លែផ្ទះសំណាញ់ត្រាំកក់ និងពិភាក្សាវាយតម្លៃលើផែនការបន្ថែមផលិតកម្មផ្ទះសំណាញ់ ១០០ខ្នង ក៏ដូចជាការពង្រីកសមាជិកភាពប្រភេទថ្មីរបស់សហគមន៍ ឯកឧត្តម ឃឹម ហ្វីណង់ លើកឡើងថា ការទទួលបានការគាំទ្រពីហានិភ័យទីផ្សារ គឺជាអត្ថប្រយោជន៍ដ៏សំខាន់មួយ នៃការចូលរួមជាមួយសហគមន៍កសិកម្មទំនើប៕