ភ្នំពេញ៖ ឯកឧត្តម UENO Atsushi ឯកអគ្គរាជទូតវិសាមញ្ញ និងពេញសមត្ថភាពនៃប្រទេសជប៉ុន ប្រចាំកម្ពុជា និង ឯកឧត្តម ប្រាក់ សុខុន ឧបកនាយករដ្ឋមន្រ្តី ក្រសួងការបរទេសនិងសហប្រតិបត្តិការអន្តរជាតិ បានចុះហត្ថលេខាលើលិខិតប្ដូរសារ ស្តីពី ការផ្ដល់ហិរញ្ញប្បទានឥតសំណងរបស់ជប៉ុន ដែលមានទឹកប្រាក់ចំនួន ៤៤២.០០០.០០០យ៉េន (ប្រមាណ ២.៩៤៧.០០០ដុល្លារអាម៉េរិក) ដើម្បីអភិវឌ្ឍន៍ធនធានមនុស្សនៅកម្ពុជា។

ជំនួយឥតសំណងរបស់រដ្ឋាភិបាលជប៉ុននេះ គឺសម្រាប់អនុវត្តន៍គម្រោងអាហារូបករណ៍អភិវឌ្ឍន៍ធនធានមនុស្សនៅកម្ពុជា និងបានឆ្លុះបញ្ចាំងពីការប្តេជ្ញាចិត្តដ៏រឹងមាំរបស់ជប៉ុន ក្នុងការជំរុញការអភិវឌ្ឍន៍សង្គម-សេដ្ឋកិច្ចរបស់កម្ពុជា ខណៈពេលដែលពង្រឹងបន្ថែមទៀតនូវកិច្ចសហប្រតិបត្តិការទ្វេភាគី ក្រោមភាពជាដៃគូយុទ្ធសាស្រ្តគ្រប់ជ្រុងជ្រោយរវាងកម្ពុជា-ជប៉ុន។ នេះបើតាមការចុះផ្សាយរបស់ ក្រសួងការបរទេស និងសហប្រតិបត្តិការអន្តរជាតិ នាថ្ងៃទី៣ ខែកក្កដា ឆ្នាំ២០២៥៕