ភ្នំពេញ៖ នាយកដ្ឋានប្រឆាំងបទល្មើសបច្ចេកវិទ្យា អំពាវនាវឱ្យសាធារណជនប្រុងប្រយ័ត្ន ចំពោះការឆបោកបន្លំ PHISHING នៅក្នុងប្រព័ន្ឋសង្គមតេឡេក្រាម(Telegram)។ នាយកដ្ឋានប្រឆាំងបទល្មើសបច្ចេកវិទ្យា បានឱ្យដឹងថា ជនអនាមិក នៅតែបន្តបោកបញ្ឆោតអ្នកប្រើប្រាស់ ក្រោមរូបភាពការផ្ញើនូវតំណភ្ជាប់(Link) បោកបញ្ឆោតផ្សេងៗ។

បើតាមការចុះផ្សាយរបស់នាយកដ្ឋានប្រឆាំងបទល្មើសបច្ចេកវិទ្យា នាថ្ងៃទី២៩ ខែឧសភា ឆ្នាំ២០២៥ បានបញ្ជាក់ថា ការបោកបញ្ឆោតរបស់ជនអនាមិក គឺធ្វើឡើងគោលបំណងទាញយកព័ត៌មានសម្ងាត់របស់យើង និងលួចយកគណនីនោះទៅប្រព្រឹត្តិបទល្មើសផ្សេងៗ ដោយមិនដឹងខ្លួន។

ជាមួយគ្នានេះ នាយកដ្ឋាន បានក្រើនរំលឹកសារជាថ្មីដល់សារធារណជន មេត្តាប្រុងប្រយ័ត្នក្នុងការប្រើប្រាស់នៅក្នុងប្រព័ន្ឋសង្គមតេឡេក្រាម(Telegram) ដោយពិនិត្យឱ្យបានហ្មត់ចត់ ចំពោះតំណភ្ជាប់(Link) ដែលគ្មានប្រភពច្បាស់លាស់ និងកុំចុចតំណភា្ជប់(Likn) ដែលមានគ្មានប្រភពច្បាស់លាស់ ដើម្បីជៀសវាងជនអនាមិកមានឱកាសបោកបញ្ឆោតទាញយកទិន្នន័យផ្ទាល់ខ្លួន និងព័ត៌មានសម្ងាត់ ឈានទៅគ្រប់គ្រងគណនី និងបង្កឱ្យមានការខាតបង់ផលប្រយោជន៍ផ្សេងៗ៕