ភ្នំពេញ៖ ធនាគារជាតិនៃកម្ពុជា ប្រកាសជ្រើសរើសបុគ្គលិកចំនួន ៣០នាក់ ចូលមកបម្រើការងារក្នុងក្របខ័ណ្ឌលេខាធិការប្រភេទ«គ»។ នេះបើតាមការចុះផ្សាយរបស់ ធនាគារជាតិនៃកម្ពុជានាថ្ងៃទី០៥ ខែមករា ឆ្នាំ២០២៤។

ក្នុងសេចក្តីប្រកាសដដែល បានបញ្ជាក់ពីលក្ខខណ្ឌតម្រូវ សម្រាប់សាធារណជនដែល មានបំណងចង់ប្រឡប់ចូលបម្រើការងារ ត្រូវតែជាសញ្ជាតិខ្មែរ, មានអាយុតិចជាង ឬស្មើនឹង ២៥ឆ្នាំ គិតត្រឹមថ្ងៃឈប់ទទួលពាក្យ, មានសញ្ញាបត្រប្រកាសនីយបត្រជាន់ខ្ពស់បច្ចេកទេសធនាគារ, មានចំណេះដឹងភាសាអង់គ្លេស និងកុំព្យូទ័រ ពិសេសត្រូវមានសុខភាពល្អ។

ធនាគារជាតិនៃកម្ពុជា បើកទទួលពាក្យប្រឡងចាប់ពីថ្ងៃជូនដំណឹងនេះ រហូតដល់ថ្ងៃទី១៩ ខែមករា ឆ្នាំ២០២៤ ត្រឹមម៉ោង១១ព្រឹក។ ប្រសិនបើ សាធារណជនមានចម្ងល់ អាចសាកសួរព័ត៌មានបន្ថែមពីនាយកដ្ឋានបុគ្គលិកនៃធនាគារជាតិ ឬទាក់ទងតាមលេខ៖ ០២៣ ៧២២ ២២១ / ០៨១ ៨៧៧ ២២៧៕