ភ្នំពេញ៖ លោក ហោ ដារ៉េត អនុព័ន្ធពាណិជ្ជកម្មអមស្ថានទូតកម្ពុជាប្រចាំវៀតណាម បានសហការជាអគ្គកុងស៊ុលកម្ពុជាប្រចាំទីក្រុងហូជីមិញ រៀបចំកិច្ចប្រជុំអាជីវកម្ម ដើម្បីពង្រឹងទំនាក់ទំនងពាណិជ្ជកម្ម និងលើកកម្ពស់អាជីវកម្មរបស់ទីផ្សារប្រទេសទាំងពីរ ព្រមទាំងស្វែងរកដៃគូថ្មី និងការពង្រឹងបណ្តាញសហការទ្វេភាគី។

កិច្ចប្រជុំអាជីវកម្មនេះ គឺដើម្បីជំរុញការទំនាក់ទំនង និងភាពជាដៃគូរវាងប្រទេសកម្ពុជា និងវៀតណាម ដោយមានការចូលរួមពីសមាគមមិត្តភាពវៀតណាម-កម្ពុជានៅទីក្រុងហូជីមិញ និងតំណាងវិស័យឯកជនវៀតណាមជាច្រើនរូប។ នេះបើតាមការចុះផ្សាយរបស់ក្រសួងពាណិជ្ជកម្ម នាថ្ងៃទី២៦ ខែមេសា ឆ្នាំ២០២៥៕