ភ្នំពេញ៖ ខេត្តកំពង់ស្ពឺ នឹងមានការរៀបចំមហោស្រពទេសចរណ៍ «បុណ្យភ្នំ» នាថ្ងៃទី១៥ និង១៦ ខែកុម្ភៈ ឆ្នាំ២០២៥ ចាប់ពីម៉ោង ៨ព្រឹក ដល់ម៉ោង ២ទៀបភ្លឺ នៅឧទ្យានជាតិគីរីរម្យ ចាប់ពីរង្វង់មូលនាគព័ន្ធ ដល់អតីតព្រះរាជដំណាក់។

មហោស្រពទេសចរណ៍នេះ នឹងមានព្រឹត្តិការណ៍វប្បធម៌ តន្ត្រី និងកីឡា ដែលគ្មានថង់ប្លាស្ទិក ដែលនាំមកនូវការកម្សាន្តសប្បាយ ការប្រកួតកីឡា និងប្រជុំម្ហូបអាហារខ្មែរមកពីទូទាំងប្រទេស ព្រមទាំងមានការតុបតែងជាច្រើនរាប់មិនអស់តាមដងផ្លូវដ៏ស្រស់ស្អាតជិត ៤គីឡូម៉ែត្រ ដើម្បីឱ្យពលរដ្ឋចូលរួមដោយសេរី។

ពាក់ព័ន្ធនឹងកម្មវិធីមហោស្រពទេសចរណ៍ «បុណ្យភ្នំ» រដ្ឋបាលខេត្តកំពង់ស្ពឺ អំពាវនាវឱ្យប្រជាពលរដ្ឋ ឱ្យបានច្រើនកុះករ ដើម្បីលើកស្ទួយវិស័យទេសចរណ៍ អភិរក្សវប្បធម៌ និងរួមកម្លាំងគ្នា ការពារបរិស្ថានធម្មជាតិរបស់កម្ពុជា៕